Көндез Казан урамнарын кардан чистартуда 449 юл эшчесе һәм 259 махсус техника берәмлеге җәлеп ителгән

Казан юлларында тәүлек эчендә 670 тонна бозлавыкка ка.ршы материал кулланылган

(Казан шәһәре KZN.RU, 8-нче февраль). Узган тәүлектә Казан урамнарыннан 2 мең тоннадан артык кар чыгарылган. Шәһәрне җыештыруга 565 юл эшчесе һәм 561 махсус техника, шул исәптән 161 катнаш юл машинасы, 16 кар төягеч, 145 трактор щеткасы, 16 грейдер, 70 фронталь төягеч, 50 «Барсик» кече төягече, 92 үзбушаткыч һәм башка төр техника җәлеп ителде.

Казан юлларында тәүлек эчендә 670 тонна бозлавыкка каршы материал кулланылган, шул исәптән 123 тонна реагент, 547 тонна ком-тоз катнашмасы.

Бүген көндез урамнарны җыештырырга 449 юл эшчесе һәм 259 махсус техника берәмлеге чыгачак, дип хәбәр итә Тышкы төзекләндерү комитеты.

Карны түбәндәге урамнардан чыгарачаклар: Батурин, Бауман, Бертуган Касыймовлар, Гагарин, Губкин, Дружба, Галиәсгар Камал, Краснококшайск, Кремль, Меридиан, Петербург, Вокзал, Табейкин, Тинчурин, Тихомирнов, Сибгат Хәким, Халтурин, Клара Цеткин, шулай ук Ирек мәйданыннан.

Шулай ук укыгыз

Барлык яңалыклар