Көндез Казан урамнарын кардан чистартырга 428 юл эшчесе һәм 476 берәмлек махсус техника чыгачак

Узган тәүлектә шәһәр урамнарыннан 30 мең тоннадан артык кар чыгарылган.

Фото: Денис Гордийко

(Казан шәһәре KZN.RU, 21-нче гыйнвар). Бүген көндез Казанда урамнарны кардан чистартырга 428 юл эшчесе һәм 476 берәмлек махсус техника, шул исәптән 56 катнаш юл машинасы, 71 трактор щеткасы, 200 үзбушаткыч, 82 фронталь төягеч, 31 «Барсик» минитөягече һәм башка техника чыгачак.

Кар чыгару Сигезенче Март, Авангард, Айдаров, Әмирхан, Батурин, Батыршин, Бауман, Беломорск, Бондаренко, Ботаника, Вишневский, Мәҗит Гафури, Гладилов, Губкин, Гудованцев, Дружба, Николай Ершов, Тимерьюлчылар, Зайцев, Зәкиев, Заря, Рихарда Зорге, Иовлев, Галиәсгар Камал, Карбышев, Касаткин, Кирпичников, Кожевенная, Копылов, Короленко, Кремль, Кулагин, Ленинград, Лена, Ломжа, Мәүлүтев, Максимов, Малая Заречная, Мөштәри, Каюм Насыйри, Песочная, Попов, Ротор, Сафиуллин, Теплично-Комбинатская, Техника, Тула, Островский, Фәйзи, Федосеев, Фрунзе, Футбол, Фучик, Халезов, Химиклар, Химия, Хоровод, Челюскин, Чехов, Чистай, Чишмәле, Чуйков, Шаляпин, Катанов тыкрыгы урамнарыннан, Ирек мәйданыннан, Ямашев проспектыннан башкарылачак.

Узган тәүлектә шәһәр урамнарыннан 30 мең тоннадан артык кар чыгарылган, шәһәрне җыештыруда 1058 махсус техника һәм 449 юл эшчесе катнашкан, дип хәбәр иттеләр Казан башкарма комитетының Тышкы төзекләндерү комитетында. Кышкы сезон башыннан шәһәр урамнарыннан 375 мең тоннадан артык кар чыгарылган.

Юлларда тәүлеккә 961 тонна бозлавыкка каршы материал кулланылган. Сезон башыннан юл хезмәтләре 40,5 мең тоннадан артык бозлавыкка каршы катнашма кулланган.

Шулай ук укыгыз

Барлык яңалыклар