Көндез Казан урамнарын кардан чистартырга 515 юл эшчесе һәм 281 берәмлек махсус техника чыккан

Узган тәүлектә шәһәр юлларыннан 3,7 мең тонна кар чыгарылган.

Фото: Марат Мугинов

(Казан шәһәре KZN.RU, 17-нче декабрь). Бүген көндез Казанда урамнарны кардан чистартуга 515 юл эшчесе һәм 281 берәмлек махсус техника, шул исәптән 58 катнаш юл машинасы, 81 трактор щеткасы, 51 үзбушаткыч, 42 фронталь төягеч, 37 «Барсик» минитөягече һәм башка техника чыкты.

Кар чыгару 2 нче Тура, Айдаров, Фатыйх Әмирхан, Батурин, Беломорск, Большая Красная, Главная, Глушко, Голубятников, Давыдов, Дачная, Дзержинский, Дубравная, Николай Ершов, Рихард Зорге, Ипподром, Камалеев, Карбышев, Фатых Кәрим, Краснококшайск, Кремль, Олег Кошевой, Курчатов, Лобачевский, Лукин, Карл Маркс, Миславский, Назарбаев, Павлов, Павлюхин, Пушкин, Семюхин, Спартак, Татарстан, Тинчурин, Юлиус Фучик, Халезов, Челюскин, Шаляпин урамнары участокларыннан, шулай ук Оренбург трактыннан, Җиңү проспектыннан һәм башка участоклардан башкарылачак.

Узган тәүлектә урамнардан 3,7 мең тоннадан артык кар чыгарылган, шәһәрне җыештыруда 528 берәмлек махсус техника һәм 581 юл эшчесе катнашкан, дип хәбәр иттеләр Казан Башкарма комитетының Тышкы төзекләндерү комитетында. Кышкы сезон башыннан шәһәр урамнарыннан 71,3 мең тоннадан артык кар чыгарылган.

Юлларда тәүлеккә 350 тонна реагент һәм 768 тонна ком-тоз катнашмасы кулланылган.

Исегезгә төшерәбез, Казанда кар чистарту буенча кайнар линияләр эшли. KZN.RU порталында урнаштырылган район администрацияләре телефоннары буенча да, «Ачык Казан» сервисы аша да мөрәҗәгать итәргә мөмкин. Рөхсәтсез кар ташлау фактлары турында ТР Экология министрлыгына хәбәр итәргә мөмкин.

Шулай ук укыгыз

Барлык яңалыклар