6 февральдә көндез Казан урамнарын җыештыруда 451 юл эшчесе һәм 305 махсус техника берәмлеге катнашачак

Узган тәүлектә 4,3 мең тоннага якын кар чыгарылган.

(Казан шәһәре KZN.RU, 6-нчы февраль). Узган тәүлектә Казан урамнарыннан 4275 тонна кар чыгарылган. Шәһәрне җыештыруга 564 юл эшчесе һәм 605 махсус техника, шул исәптән 162 катнаш юл машинасы, 17 кар төягеч, 138 трактор щеткасы, 18 грейдер, 74 фронталь төягеч, 52 «Барсик» төягече, 130 үзбушаткыч һәм башка төр техника җәлеп ителде.

Казан юлларында тәүлек эчендә 1136 тонна бозлавыкка каршы материаллар, шул исәптән 162 тонна реагент һәм 974 тонна ком-тоз катнашмасы файдаланылды.

Бүген көндез урамнарны җыештырырга 451 юл эшчесе һәм 305 махсус техника чыгачак, дип хәбәр итә Тышкы төзекләндерү комитеты.

Карны түбәндге урамнардан чыгарачаклар: 2-нче Тура, 8 Март, Аграр, Айдинов, Бауман, Бутлеров, Беломорск, Бертуган Батталовлар, Васильченко, Академик Губкин, Декабристлар, Дружба, Николай Ершов, Журналистлар, Заря, Рихард Зорге, Ипподром, Галиәсгар Камал, Профессор Камай, Академик Кирпичников, Короленко, Космонавтлар, Коләхмәтов, Мәүлетов, Мартын Межлаук, Меридиан, Назарбаев, Островский, Парк, Петербург, Пионерлар, Попов, Порт, Сәид Галиев, Сәлимҗанов, Серов, Симонов, Столяров, Ташаяк, Фәтхуллин, Фучик, Сибгат Хәким, Клара Цеткин, Челюскин, Чернышевский, Чехов, шулай ук Вокзал яны мәйданыннан, Ирек мәйданыннан, Себер трактыннан һәм Җиңү проспектыннан.

Шулай ук укыгыз

Барлык яңалыклар