Казан марафонында катнашучылар өчен «Пицца» Россия төркеме чыгыш ясаячак

Керү Казан марафонында катнашучыларның старт номерлары буенча башкарылачак.

(Казан шәһәре KZN.RU, 25-нче март). 4-нче майда Татарстан башкаласында Казан марафоны старт ала – ярышларның беренче көнендә катнашучылар дистанцияне 3 чакрымда уза алачак. «Пицца» Россия музыка төркеменең чыгышы спортчылар өчен төп бүләк булачак.

Концерт Үзәк стадионда 19.00 сәгатьтә булачак, дип хәбәр итә Timerman спорт чаралары сериясе матбугат хезмәте. Керү Казан марафонында катнашучыларның старт номерлары буенча башкарылачак.

Исегезгә төшерәбез, 2019 елда марафонның оештыру комитеты чараны ике көнгә бүлде. 4-нче майда Балалар ярышы һәм 3 чакрымга йөгерү узачак, ә 5-нче майда спортчылар 10, 21,1 һәм 42,2 чакрым дистанцияне үтәчәкләр. Бу старт алган профессиональ спортчыларга, спорт белән мавыгучыларга һәм яңа уенчыларга уңайлы булсын өчен эшләнгән.

Быел Казан марафонында катнашучылар яңа маршрут буенча йөгерәчәкләр. Йөгерүләргә старт Үзәк стадион янында биреләчәк. Марафон трассасы бер әйләнештә узачак һәм шәһәрнең төп истәлекле урыннарын үз эченә алачак. Алар арасында Иске Татар бистәсе, Казан Кремле, Кремль яр буе, күп санлы спорт объектлары - Баскет-холл, «Татнефть-Арена», «Казан Арена», Су спорт төрләре сарае һәм башкалар бар. Марафонда катнашучылар Кремль һәм Киров дамбалары, «Миллениум» күпере буйлап узачаклар.

Катнашу өчен теркәлергә һәм турнирлар җәдвәле, үзенчәлекләре һәм форматы турында барлык актуаль мәгълүматны Timerman спорт чаралары сериясенең рәсми сайтыннан һәм чараның социаль челтәрләреннән алырга мөмкин.

Казан марафоны-2019 алдыннан кызлар өчен ачык онлайн-платформада бушлай тренировкалар ачылды. Күнегүләр планы ике айга төзелгән.

2019 елгы Казан марафонына бөтен республикадан 500-дән артык волонтер җәлеп ителәчәк.

Шулай ук укыгыз

Барлык яңалыклар