Үзмәшгульләр өчен Казанда «КышДаКар-фест» фестивале мәйданчыкларында 19 ярминкә йорты урнаштырылачак

Шәһәр халкы һәм кунаклары ярминкәдә якыннары өчен бүләкләр сатып ала, мастер-классларда һәм конкурсларда катнаша ала.

Фото: Денис Гордийко

(Казан шәһәре KZN.RU, 29 нчы ноябрь). Быел Татарстан башкаласында янә «КышДаКар-фест» дип аталган кышкы фестиваль узачак. «Казан» гаилә үзәге һәм Бауман урамында үзмәшгульләр, кече һәм урта бизнес вәкилләре, эшмәкәрләр һәм фермерлар өчен 19 павильон урнаштырачаклар, анда алар үз продукцияләрен тәкъдим итә һәм сәүдә итә алачаклар.

Шәһәр халкы һәм кунакларының ярминкәдә якыннары өчен бүләкләр алу, мастер-классларда һәм конкурсларда катнашу мөмкинлеге булачак. Бәйрәм атмосферасын музыка һәм сәүдә нокталарының иллюминациясе тудырачак. Ярминкә йортлары шулай ук шәһәр символикасы белән бизәлгән булачак.

Фестиваль «Казан» гаилә үзәге янындагы чыршыны ачу көнендә, ә Бауман урамында 30 нчы декабрьдә эшли башлаячак. «КышДаКар-фест»ка 8 нче гыйнварга кадәр барырга мөмкин булачак.

Шулай ук укыгыз

Барлык яңалыклар