Казан шәһәреннән Дилбәр Адылова "Россиянең сәламәтлек укытучысы-2018" конкурсында җиңүче булды

Конкурс Томск шәһәрендә "Здоровьесберегающее образование: опыт, проблемы, перспективы развития" Бөтенроссия форумы кысаларында узды.

(Казан шәһәре KZN.RU, 3-нче декабрь). Казанның 98-нче мәктәбенең рус теле һәм әдәбияты укытучысы Дилбәр Адылова "Россиянең сәламәтлек укытучысы-2018" IX Бөтенроссия конкурсының абсолют җиңүчесе булды. Педагоглар арасында конкурс Томскида "Здоровьесберегающее образование: опыт, проблемы, перспективы развития" Бөтенроссия форумы кысаларында узды.

Казанның Вахитов районының 98-нче урта гомуми белем бирү мәктәбенең рус теле һәм әдәбияты укытучысы Дилбәр Адылова - республика этабы җиңүчесе. Томскида ул бөтен Татарстан данын яклады. Илнең иң яхшы укытучыларын төрле югары уку йортлары галимнәре, лауреатлар һәм алдагы конкурсларда абсолют җиңүчеләр бәяләде. Шуны да билгеләп үтәргә кирәк, элегрәк республика педагоглары, аерым алганда, Казаннан ун кеше финалга чыкты һәм лауреат булдылар, дип хәбәр итә ТР Мәгариф һәм фән Министрлыгы.

Быел барлык лауреатлар һәм абсолют җиңүчеләр дипломнар, оештыру комитетының истәлекле бүләкләре, РФ Дәүләт Думасының Мәгариф һәм фән комитетының Рәхмәт хатлары һәм кыйммәтле бүләкләр белән бүләкләнде.

Шулай ук укыгыз

Барлык яңалыклар