Диджей-сетлар, экстремаль спорт төрләре буенча контестлар һәм тарологтан фаразлар: Казанның төп кышкы рейвы ничек узачак?

«Вечеринка в болоньевых штанишках» чарасының хедлайнеры DJ Biicla булачак

Фото: Казанның парклар һәм скверлар дирекциясе

(Казан шәһәре KZN.RU, 26 нчы декабрь). «Казан» гаилә үзәге территориясе 4 нче гыйнварда «тау чаңгысы курорты»на әвереләчәк. Бу көнне мәйданчыкта «Вечеринка в болоньевых штанишках» узачак. Аның хедлайнеры DJ Biicla булачак.

Бәйрәмгә 14:00 сәгатьтән 21:00 сәгатькә кадәр кушылырга мөмкин булачак. Программада музыкантларның чыгышлары, таролог белән очрашулар, экстремаль спорт төрләре буенча ярышлар һәм башка күп нәрсәләр бар. Үзәк территориясендә VR-күзлекләр белән интерактив зона, фотозона һәм фотобудка, шулай ук фуд-корт эшләячәк.

Казанның парклар һәм скверлар дирекциясе хәбәр иткәнчә, кичәдә җирле музыкантлар һәм диджейлар, шулай ук чакырылган артист DJ Biicla чыгыш ясаячак. Виталий Жариков (музыкантның чын исеме) электрон музыка белән шөгыльләнә, әмма шул ук вакытта башка жанрлар белән экспериментлар ясаудан курыкмый һәм винтаж семплларын вокал белән гармонияле рәвештә берләштерә. Диджей Slava Marlow, Therr Maitz һәм ANIKV белән эшләгән. Аның Чикаго һәм Парижда Lollapalooza фестивалендә чыгышлар ясаганы булган.

Чыгышлар расписаниесе:

14:00 – Chips Daddy;

15:30 – Saturday;

17:00 – bycyfic;

18:00 – mo?se?;

19:00 – Biicla.

Исегезгә төшерәбез, Яңа ел алдыннан Казан паркларында һәм скверларында «Мерцание» яңа ел программасы старт ала. ТР башкаласының 26 җәмәгать киңлегендә 161 бәйрәм чарасы планлаштырылган. Алар барысы да бер концепция белән берләштереләчәк – кунакларга тылсым атмосферасын тоярга мөмкинлек бирәчәк. Парклар һәм скверлар дирекциясе сайтында тулырак белергә һәм расписаниедәге үзгәрешләрне күзәтергә мөмкин.

Казанда Яңа ел бәйрәме турында барлык мәгълүмат KZN.RU порталының махсус бүлегендә басылып чыкты.

Шулай ук укыгыз

Барлык яңалыклар