Казанның дезинфекция станциясе «Дезинфекция профилендәге иң яхшы оешма» дипломына лаек булды

Бүләкләү тантанасы Мәскәүдә Илкүләм дезинфекционистлар оешмасының фәнни-гамәли конференциясе кысаларында узды

Марат Мөгыйнов фотосы

2024 елгы эш нәтиҗәләре буенча «Казанның дезинфекция станциясе» муниципаль бюджет учреждениесе «Дезинфекция профилендәге иң яхшы оешма» дипломына лаек булды. Шулай ук учреждениегә «Елның иң яхшы оешмасы» билгесен тапшырганнар. Бүләкләү тантанасы Мәскәүдә Илкүләм дезинфекционистлар оешмасы әгъзаларының еллык съезды кысаларында «НОД. Кичә, бүген, иртәгә» фәнни-гамәли конференциясе вакытында оештырылган.

Чарада доклад белән «Казан дезинфекция станциясе» муниципаль бюджет учреждениесе баш табибы Евгения Шәрәпова чыгыш ясаган. Ул хезмәттәшләренә дезинфекция, дезинсекция һәм дератизация эшләрен оештыру, уздыру тәҗрибәсен тәкъдим иткән. Баш табиб чыгышында эшчәнлекнең актуаль мәсьәләләрен, четерекле якларын һәм аларны хәл итү юлларын яктырткан.

«Дезинфекция профилендәге иң яхшы оешма» номинациясендә җиңү – безнең хезмәтебезне шушы дәрәҗәдә бәяләү – ул Казан халкының һәм башкала кунакларының санитар-эпидемиологик иминлеген тәэмин итүгә, укытучыларыбызның хезмәтенә юнәлдерелгән бөтен коллективның казанышы. Республика, шәһәр җитәкчелегенә, аның җитәкчесе Илсур Метшин җитәкчелегендәге Башкарма комитетка хезмәтебезгә игътибарлы булганнары өчен зур рәхмәт!» - дип фикерләре белән уртаклашты Евгения Шәрәпова.

Конференциядә бөтен Россиядән үз профилендәге 200 дән артык белгеч катнашкан. Алар урбанизация шартларында дәүләт һәм шәхси оешмалар тарафыннан дезинфекция эшләре үткәрү мәсьәләләре буенча фикер алышкан.

Шулай ук укыгыз

Барлык яңалыклар