В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Акция 25-нче декабрьгә кадәр барачак.

(Казан шәһәре KZN.RU, 6-нчы декабрь). Яңа ел алдыннан Россия Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсенең иҗтимагый кабул итү бүлмәсендә Кыш Бабайга хат язарга мөмкин. Россиянең Бөек Устюгта яшәүче баш Кыш Бабайга Яңа ел теләкләре язылган хатларны идарә үзе юллаячак.
Хатны эш көннәрендә мөстәкыйль рәвештә дә, өлкәннәр ярдәмендә дә язарга мөмкин: дүшәмбедән пәнҗешәмбегә кадәрге көннәрдә – 9.00-дан 12.00-гә кадәр һәм 12.45-тән 18.00-гә кадәр, җомга көнне – 9.00-дан 12.00-гә кадәр һәм 12.45-тән 16.45-кә кадәр. Идарәнең иҗтимагый кабул итү бүлмәсе түбәндәге адрес буенча урнашкан: Большая Красная ур., 30.
Акция 25-нче декабрьгә кадәр барачак, дип хәбәр итә ведомствоның матбугат хезмәте.