Казан шәһәр Думасы депутатлары 2021 елга Казан бюджетына үзгәрешләр кертте

Бюджет күләме керемнәр буенча 34 млрд 282,4 млн сум тәшкил иткән, чыгымнар буенча – 2 млрд 556,9 млн сум дефицит белән 36 млрд 839,3 млн сум.

Фото: Денис Гордийко

(Казан шәһәре KZN.RU, 16-нчы декабрь, Алинә Бережная). 2021 елга Казан бюджетына үзгәрешләр кертелде. Мондый карарны бүген Ратушада дүртенче чакырылыш Казан шәһәр Думасының XI сессиясендә депутатлар кабул итте.

Шәһәр Башкарма комитетының Финанс идарәсе башлыгы Ирек Мөхәммәтшин аңлатып үткәнчә, Казан бюджетына үзгәрешләр кертү IV кварталда республика бюджетыннан 1 млрд 520 млн сум күләмендә кире кайтарылмый торган акча күләменең артуы, шул исәптән автомобиль юлларын төзегәндә чыгымнарны каплауга (500 млн сумнан артык), гражданнарны авария хәлендәге торак фондыннан күчерү буенча чаралар (472 млн сумнан артык), муниципаль учреждениеләрне карап тотуга (230 млн сумнан артык) һәм башка чыгымнар белән бәйле.

Шуның белән бергә, бюджетның салым һәм салым булмаган керемнәрен арттыру хисабына террорчылыкка каршы яклану чараларына, суд карарларын үтәүгә һәм бюджет өлкәсе учреждениеләрендә күзәтчелек органнары күрсәтмәләрен бетерүгә киткән чыгымнар 1 млрд.700 млн сумга арткан.

Шулай ук 9,1 млн сумлык кире кайтарылмый торган керемнәр хисабына да артты, алар район чараларын уздыруга аларның максатчан билгеләнеше нигезендә җибәрелә.

Муниципаль финансларны савыктыру планы нигезендә 30 млн. сум күләмендә коммерция кредитын түләү каралган. «2021 елда Казан муниципаль бурычының өлешчә каплануы сәбәпле, шәһәрнең муниципаль эчке бурычының иң югары чиге аныклана», – дип хәбәр итте спикер.

Моннан тыш, 2021 ел бюджетына тагын берничә үзгәреш кертелде, аерым алганда, шәһәр бюджетыннан бүлеп бирелә торган субсидияләр исемлегенә.

Үзгәрешләр нәтиҗәсендә бюджетның керем өлеше 3 млрд 229,5 млн сумга, чыгымнар 2 млрд 663 млн сумга арткан, дефицит 566 млн сумга кимегән. «Шулай итеп, 2021 елга Казан бюджеты керемнәре буенча 34 млрд.282,4 млн. сум тәшкил итәчәк, чыгымнар буенча – 2 млрд. 556, 9 млн. сум дефицит белән 36 млрд. 839,3 млн сум , агымдагы ел башына бюджет акчаларының калган өлешләре шуның чыганагы булып тора», – дип тәмамлады сүзен Ирек Мөхәммәтшин.

Карар проекты бюджет-финанс мәсьәләләре, җирле салымнар һәм җыемнар буенча даими комиссия утырышында каралды. Контроль-хисап палатасының уңай бәяләмәсе бар. Депутатлар бюджетка үзгәрешләр кертүне раслады.