Казан шәһәре Думасы депутатлары шәһәр төзелеше һәм торак-коммуналь хуҗалык буенча даими комиссия утырышын уздырды

Комиссиядә депутатлар даими комиссия рәисе урынбасарын - Рөстәм Рамазановны сайладылар.

Фото: Казан шәһәр Думасы

(Казан шәһәре KZN.RU, 30-нчы сентябрь). Бүген Казан шәһәр Думасының шәһәр төзелеше һәм торак-коммуналь хуҗалык буенча даими комиссиясенең беренче утырышы узды. Комиссиядә депутатлар даими комиссия рәисе урынбасарын - Рөстәм Рамазановны сайладылар.

Рөстәм Рамазановның төзелеш тармагында зур профессиональ тәҗрибәсе бар, ул шулай ук Казан шәһәр Думасының өченче чакырылыш депутаты булган, бу комиссиядә эшләгән.

Шулай ук даими комиссия агымдагы елның дүртенче кварталына һәм 2021 елга эш планын карады, ул Казан шәһәр Думасы регламенты һәм «Җирле үзидарәне оештыруның гомуми принциплары турында» 131-ФЗ номерлы Федераль закон нигезендә әзерләнгән. Эш планына депутатлар тарафыннан тәкъдимнәр кертелде, шулай итеп коммунистларның сәяси партиясеннән депутат Динара Халимдарова Казанда йортларга капиталь ремонт ясау мәсьәләсен карарга тәкъдим итте. Шуңа бәйле рәвештә, объектларга чыгу планлаштырылган.

Өченче мәсьәлә буларак депутатлар «Казан шәһәрендә мәдәни мирас объектларын саклап калу, алардан файдалану һәм аларны популярлаштыру турында» мәсьәләсен күтәрделәр, ул сессия утырышында каралачак. Шуңа бәйле рәвештә эшче төркем төзелде, объектларга чыгу сроклары билгеләнде. Аңа төрле өлкәләрдә эшләүче биш депутат керде. Башкарма комитетка тиешле йөкләмәләр бирелде.

Шулай ук укыгыз

Барлык яңалыклар