Денис Осокин һәм Илья Славутский Казанда «Тоталь диктант» укыячак

Денис Осокин һәм Илья Славутский Казанда «Тоталь диктант» укыячак

<p> </p> <div class="detail-picture"> <img src="https://kzn.ru/upload/iblock/9e4/totalnyy_diktant.jpeg"> <p class="detail-picture__caption"> Фото: Казан шәһәре KZN.RU </p> </div> (Казан шәһәре KZN.RU, 7-нче апрель, Екатерина Виславская). 10-нчы апрель көнне узачак «Тоталь диктант» акциясендә катнашуга гаризалар кабул итү дәвам итә. 5 мең казанлы үз белемнәрен тикшереп карарга әзер, ә диктор булырга актерлар, язучылар, түрәләр, җәмәгать эшлеклеләре, журналистлар, блогерлар, шул исәптән язучы Денис Осокин һәм актер Илья Славутский ризалашкан. <p> «Тоталь диктант» халыкара белем бирү акциясе ел саен уздырыла. Теләге булган һәр кеше теркәлергә, гариза биргән мәйданчыкларның берсенә килергә яки онлайн диктант язарга, ә аннан соң нәтиҗәне белергә мөмкин. 2021 елгы текстның авторы – язучы, радиотапшырулар алып баручысы, журналист, сценарист Дмитрий Глуховский. </p> <p> «Бу акция тамгаларны төгәл билгеләү өчен түгел. «Тоталь диктант» мәгърифәтчелек характеры йөртә, һәм аның йомшартылган режимы бар, бишлегә укучылар гына әйтелә, ә башка күрсәткечләр афишаланмый. Бу очракта бурыч – БДИ яки ОГЭ үткәрү түгел, ә кешенең үз-үзен тикшерүгә тагын бер тапкыр керешүе, язма сөйләме белән бар да яхшы микәнен белүе. Бу бик файдалы дип саныйм, – диде бүген «Татар-информ» мәгълүмат агентлыгында үткәрелгән матбугат конференциясендә укытучыларның һәм «Тоталь диктант» акциясе филологларының республика эксперт советы рәисе Ирина Александровская. </p> <p> </p> <div class="quote"> <div class="quote-text"> «Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең барлык таләпләре үтәләчәк: тиешле утырту, термометрия, битлек режимы» </div> <div class="quote-author"> <b>Ирина Александровская</b><br> </div> <div class="quote-position"> «Тоталь диктант» акциясе укытучылары һәм филологларының республика эксперт советы рәисе<br> </div> </div> <p> «Тоталь диктант»та катнашучыларның саны буенча абсолют рекорд 2019 елда куелды, аңа 77 ил халкы кушылды, шул исәптән АКШ, Германия, Израиль һәм Кытай халкы. Узган ел акцияне апрельдән октябрьгә күчерергә һәм пандемия белән бәйле рәвештә аны онлайн үткәрергә туры килде. Ул вакытта язылганнарның өчтән бере, ә нәкъ менә 11 мең 534 кеше, «Тоталь диктант-2021» акциясенең төбәк координаторы Вячеслав Шаталов сүзләренчә, Татарстаннан булган. «Бу елның максаты – катнашучылар санын тагын да күбрәк җәлеп итү. Узган ел республикада 418 мәйданчык булган. Инде өченче ел без барлык муниципаль районнарда мәйданчыклар оештырырга тырышабыз». </p> <p> Катнашучыларны теркәү әле <a href="https://kzn.ru/meriya/press-tsentr/novosti/kazantsy-mogut-zaregistrirovatsya-na-totalnyy-diktant/">дәвам итә</a>, әмма инде булган мәгълүмат буенча фикер йөртсәк, үз белемнәрен тикшерергә теләүчеләр саны буенча Казан алда бара, анда 5 меңгә якын кеше гариза биргән – узган ел белән чагыштырганда ике тапкыр күбрәк. Лениногорск һәм Алабугада да теләүчеләр күп, ә Яр Чаллы аутсайдерлар булып тора. </p> <p> Диктантны онлайн һәм көндезге формада язарга мөмкин. Бу эшне дистанцион рәвештә башкарачак катнашучылар аны сайтка тикшерү өчен йөкли алачак. Мәйданга килүчеләр бланклар алачак, аларга фамилиясен, исемен һәм кодлы сүзне күрсәтәчәк, соңыннан алар буенча сайтта үз нәтиҗәләрен таба алачак. Эшләрне Казан федераль университетының Филология һәм мәдәниятара багланышлар институты студентларына һәм югары уку йортлары, махсус урта уку йортлары укытучыларына тикшерергә туры киләчәк. </p> <p> Коронавирус таралуны булдырмас өчен мәйданчыклар саны арттырылды. «Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең барлык таләпләре үтәләчәк: тиешле утырту, термометрия, битлек режимы. Без мәйданчыкларга басым ясамыйбыз», –дип кисәтте Ирина Александровская. </p> <p> Казанда гадәттәгечә берничә төп мәйданчык оештырылачак. Мәсәлән, акция күптән түгел генә ТР Милли китапханәсе күченгән яңартылган бинада узачак. «Тоталь диктант»ны А.С.Пушкин исемендәге Мәдәни үзәктә һәм КФУның Филология һәм мәдәниятара коммуникацияләр институтында, шулай ук Казанның барлык югары уку йортларында һәм хәтта кайбер сәүдә үзәкләрендә дә язарга мөмкин булачак. Мәйданчыкларның тулы исемлеген белергә һәм <a href="https://totaldict.ru/kazan/" target="_blank">проект сайтында</a> теркәлергә мөмкин. </p> <p> Потенциаль дикторлар белән сөйләшүләр дәвам итә. Ахыргы ризалыкны ТР Дәүләт Советы депутаты Людмила Рыбакова, ТР яшьләр эшләре буенча министр урынбасары Ринат Садыйков, ТР юстиция министры урынбасары Надежда Рагозина, язучы Денис Осокин, шагыйрә Ольга Левадная, актерлар Илья Славутский һәм Нина Калаганова, журналистлар Сергей Шерстнев һәм Евгения Чеснокова һәм башкалар бирде. </p>

2021-04-07T16:34:06+0300