Яңалыклар
15.07.2019, 11:10
Д.Калинкин: «Барлык муниципаль милек хуҗалык әйләнешенә кертелергә тиеш»
Үткәрелгән инвентарьлаштыру нәтиҗәсендә муниципаль милеккә 350 млн сумнан артык суммага 19 торак булмаган бина кире кайтарылды.
(Казан шәһәре KZN.RU, 15-нче июль, Алена Мирошниченко). Казанда 350 млн. сумнан артык суммага 19 торак булмаган бина муниципаль милеккә кире кайтарылды. Ике объект торглардан гамәлгә ашырылган инде, бер объект хуҗалык алып бару килешүе буенча тапшырылган, берсе ташламалы аренда программасы өчен биналар исемлегенә кертелгән, икесе хосусыйлаштыруның фараз планына кертелгән. Калганнары буенча кадастр исәбенә куелу һәм шәһәр өчен милек хокукын теркәү бара. Бу хакта бүген эшлекле дүшәмбе киңәшмәсендә Җир һәм милек мөнәсәбәтләре комитеты рәисе Ренат Галәветдинов сөйләде.
Ул муниципаль милекне инвентарьлаштыру, буш, хуҗасыз һәм законсыз юл белән муниципаль милектән чыгарылган торак һәм торак булмаган биналарны ачыклау Казан Мэры Илсур Метшин йөкләмәсе буенча Торак-коммуналь хуҗалык комитеты белән даими рәвештә үткәрелә, дип искәртте. Моның өчен бүлекчәләрдә муниципаль милек объектлары реестрларын ТР буенча Росреестр Идарәсе, ТР техник инвентаризация бюросы һәм ТР Милли архивы мәгълүматлары белән чагыштыра, ә аннан соң бинаның билгеләнүен һәм аларны өченче затлар тарафыннан куллануны билгели торган эш төркемнәре төзелде.
«Алынган мәгълүматларны анализлау нәтиҗәләре буенча өч юнәлештә эш алып барыла. Буш урыннар ачыкланган очракта техник документация һәм объектларны дәүләт кадастр исәбенә кую һәм муниципаль милек хокукын теркәү әзерләнә. Гомуми файдаланудагы урыннар яки югалган (сүтелгән) объектлар ачыкланган очракта, аларны Казан милек реестрыннан төшереп калдыру буенча эш алып барыла. Объектларына хокукларның өченче затларга теркәү очрагы ачыкланган очракта, кирәкле материаллар ТР хокук саклау органнарына җибәрелә, һәм объектлар тартып алына», – дип аңлатты Р.Галәветдинов.
2014 елдан бирле белгечләр «ЖКУ Московского района Казани» муниципаль унитар предприятиесе хуҗалыкны алып бару карамагында булган 1752 объектны тикшерделәр. Нәтиҗәдә, шуларның 944-е реестрдан төшереп калдырылган, чөнки гомуми милек булып саналган яки сүтелгән. 84 объект биналарны инвентарьлаштыру нәтиҗәләре буенча милеккә сатылды. «Муниципаль казна составында 1162 объект исәплщнде, шуларның 272-сенә түләүсез файдалану килешүләре төзелде, 235-енә аренда килешүләре төзелде. Калган объектлар хуҗалык әйләнешенә җәлеп ителәчәк, ә бер өлеше югалтуга бәйле рәвештә исәптән чыгарылырга тиеш», – дип сөйләде докладчы.
Шулай ук инвентарьлаштыру барышында 2014 елдан билгесез затлар тарафыннан муниципаль милектән чыгарылган 31 торак булмаган фонд объекты ачыкланды. Объектларның гомуми мәйданы 10 мең кв.метрдан артык, ә гомуми базар бәясе – якынча 650 млн. сум.
Ачыкланган барлык фактлар буенча хокук саклау органнарына тикшерү үткәрү һәм мошенниклык турындагы маддә буенча җинаять эшләре кузгатуны сорап мөрәҗәгатьләр җибәрелде. Нәтиҗәдә, ТР буенча Тикшерү идарәсе 23 факт буенча 6 җинаять эше кузгаткан. 21 факт буенча Дәүләт теркәве, кадастр һәм картография федераль хезмәтенең ТР буенча идарәсенең вазифаи затлары, коммерция оешмалары җитәкчеләре һәм физик затлар гаепле дип табылды һәм реаль срокларга ирекләреннән мәхрүм ителде, диде Р.Галәветдинов. Башка объектлар буенча мөрәҗәгатьләр тикшерү органнарында карала, яисә җинаять эшләре кузгатудан баш тарту турында карарлар шәһәр прокуратураларында шикаять ителә, дип өстәде ул,
Шул ук вакытта эш төркемнәре биналарны муниципаль милеккә кертү турында судка дәгъва гаризалары бирү инициативасы белән чыккан. 25 гаризаның 19-ы канәгатьләндерелде, бер гариза буенча милек гомумйортныкы дип танылды, икесе буенча – баш тартылды, өчесе буенча суд утырышлары билгеләнде.
Моннан тыш, торак фондын инвентарьлаштыру нәтиҗәсендә 221 бина тикшерелде, аларның 167-се буш иде, 54-ендә моның өчен законлы нигез булмаган гражданнар яшәде. Буш торак биналарга авария хәлендәге һәм сүтелергә тиешле йортлардан гражданнарны күчерделәр. 49 торак бина буенча материаллар судка җибәрелде: 37 дәгъва Казан Башкарма комитеты файдасына, 12 гариза гражданнар файдасына канәгатьләндерелде. 5 торак бина буенча материаллар хокук саклау органнарына тапшырылды, җинаять эшләре кузгатылды. Бер эш буенча гаепләү карары чыгарылган инде, дүртесе буенча тикшерү бара.
«Инвентарьлаштыру буш торган торак биналарны ачыкларга мөмкинлек бирде, алар халыкны авария хәлендәге торактан күчерү мәсьәләсен хәл итәргә ярдәм итте. Хәзер кайбер объектларны рәсмиләштерү эше дәвам итә, кайберләре буенча тикшерү эшләре бара. Барлык муниципаль милек хуҗалык әйләнешенә тапшырылырга тиеш», – дип белдерде Д.Калинкин һәм муниципаль милекне инвентаризацияләү өчен җаваплы булган затларга бу эшне ахырына кадәр җиткерергә кушты.
Фоторепортаж
Эшлекле дүшәмбе, 15.07.2019
Видеорепортаж
15.07.2019
09:55
Казанда муниципаль милекне инвентаризацияләү бара
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
