Казанның «Замбези елгасы» зоопаркында кара грифлар бала чыгарырга җыена

Казанның «Замбези елгасы» зоопаркында кара грифлар бала чыгарырга җыена

<p> </p> <div class="detail-picture"> <img src="https://kzn.ru/upload/iblock/b71/MMB_5769-870.jpg"> <p class="detail-picture__caption"> Фото: Марат Мөгыйнов </p> </div> (Казан шәһәре KZN.RU, 5 нче май). Казанның «Замбези елгасы» зоопаркындагы кара гриф пары бала чыгарырга җыеналар. 22 нче марттан бирле алар йомырка өстендә утыралар, тиздән алардан кошчыклар чыгачак. <p> </p> <p> Борис һәм Гиви атлы булачак әти-әни зоопаркта күптән яшиләр. 36 яшьлек әти кош Казанга Нальчик зоопаркыннан 1999 елда китерелгән. Ана кош 1997 елда туган, аны ТР башкаласына Чиләбедән алып кайтканнар. </p> <p> Кара грифлар үз гомерләрендә бер генә тапкыр пар сайлыйлар һәм бер ояда яшиләр, дип хәбәр иттеләр Казан зоопаркында. Кошлар бергәләшеп йомырка өстендә бала чыгаралар, соңыннан нәселләре турында кайгырталар. Зоопарк хезмәткәрләре кошлар оя ясый алсын өчен вольерларга ботаклар ыргыта икән. Кара грифлар елга бер тапкыр гына йомыркадан бала чыгаралар, гадәттә, 1-2 йомырка була, алар өстендә кошлар бергә 55 көн утыралар. </p> <p> Бу Борис һәм Гивиның беренче кошчыклары гына түгел, узган ел да алар бала чыгарган, аны Чиләбе зоопаркына озатканнар. </p>

2022-05-05T15:55:04+0300