7 апрельдән Казан халкы җәйге сменаларга социаль юллама алуга гариза бирә алачак

Балалар Татарстанның һәм якын республикаларның берничә лагеренда ял итә алачак

7 апрельдә «Ял» шәһәр үзәгеннән җәйге сменаларга лагерьга социаль юлламаларга гаризалар кабул итү ачыла.

Балалар лагерена бушлай юлламаны аз тәэмин ителгән гаиләләрдән балалар, мәктәп яшендәге инвалид балалар, шулай ук качаклар гаиләсеннән балигъ булмаганнар алырга мөмкин.

Балалар Татарстанның һәм якын республикаларның берничә лагеренда, атап әйткәндә: «Яшьләр» (Биектау районы), «Заречье» (Казан), «Ю.Гагарин исемендәге» (Мари Эл республикасы), «Берсут» (Мамадыш районы), «Раздолье» (Чистай районы) лагерьларында ял итә алачак.

Юлламага гаризаны «Ял» шәһәр үзәге сайтында бирергә мөмкин. Гаризалар 7 апрельдә 15:00 сәгатьтә кабул ителә башлады.

Гаризага түбәндәге документларның төп нөсхәләрен һәм күчермәләрен: СНИЛС, туу турында таныклык, мөрәҗәгать итүченең паспортын, юлламаны алу хокукын раслый торган документны теркәргә кирәк.

Шунысын да билгеләп үтәргә кирәк, ял итүчеләргә уңайлы булсын өчен трансфер биреләчәк. Юллама алу хокукыннан җәйгә бер тапкыр файдаланырга мөмкин. Өстәмә мәгълүмат һәм документларның тулы исемлеге белән «Ял» шәһәр үзәгенең рәсми сайтында танышырга мөмкин.

Шулай ук укыгыз

Барлык яңалыклар