Узган атнада Казанның ашыгыч ярдәм хезмәте 8,3 меңнән артык чакыру үтәде

10-нчы февральдән 16-сына кадәр табиблар бала табу очракларына 58 тапкыр чыктылар.

(Казан шәһәре KZN.RU, 17-нче февраль). Узган атна эчендә, 10-нчы февральдән 16-нчы февральгә кадәр, Казанның ашыгыч медицина ярдәме 8374 чакыру үтәде, шул исәптән 1074 чакыру - җәмәгать урыннарына.

Иң күп чакыру (6779) төрле авырулар буенча башкарылды. Шулардан 161 чыгуга – баш мие кан әйләнешенең кискен бозылулары, ә 40 чакыруга көчле миокард инфарктлары сәбәп булды. Бала табу очракларына табиблар 58 тапкыр чыктылар.

Бәхетсезлек очракларына табибларны 770 тапкыр чакырттылар, шуларның 42-се юл-транспорт һәлакәте урыныннан килде. Аварияләрдә 39 кеше зыян күрде, хастаханәләргә 18 зыян күрүче китерелде, 6 кеше һәлак булды. Моннан тыш, ашыгыч ярдәм хезмәте 10 чакыруны янгын урыннарына үтәде, аларда 2 кеше зыян күрде, дип хәбәр иттеләр Казанның «Ашыгыч медицина ярдәме станциясе» дәүләт автономияле сәламәтлек саклау учреждениесендә.

Шулай ук укыгыз

Барлык яңалыклар