В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
02.12.2019, 10:59
Атна эчендә Казанның ашыгыч ярдәм хезмәте 8,1 меңнән артык чакыру үтәде
Бала табу очракларына табиблар 85 тапкыр чыктылар.
(Казан шәһәре KZN.RU, 2-нче декабрь). Узган атна эчендә, 25-нче ноябрьдән 1-нче декабрьгә кадәр, Казанның ашыгыч медицина ярдәме 8145 чакыру үтәде, шул исәптән 1189 чакыру – җәмәгать урыннарына.
Иң күп чакырулар, 6655, төрле авырулар буенча башкарылды. Алар арасыннан 182 урынга баш мие кан әйләнешенең көчле бозылулары, ә 56 чакыруга – көчле миокард инфарктлары сәбәп булды. Бала табу очракларына табиблар 85 тапкыр чыктылар.
Бәхетсезлек очракларына табибларны 699 тапкыр чакырдылар, шуларның 55-е юл-транспорт һәлакәте урыннарыннан килде. Аварияләрдә 52 кеше зыян күрде, хастаханәләргә 31 кеше китерелде, бер кеше һәлак булды. Моннан тыш, ашыгыч ярдәм 17 чакыруны янгын урыннарына үтәде, аларда 2 кеше зыян күрде, дип хәбәр иттеләр «Ашыгыч медицина ярдәме станциясе» дәүләт автоном сәламәтлек саклау учреждениесендә.
Шулай ук укыгыз
-
22.09.2025, 11:23 -
22.09.2025, 11:15 -
22.09.2025, 09:48 -
22.09.2025, 09:27