Бөтенроссия махсус Олимпиада Спартакиадасында катнашу өчен Казанга 550 дән артык юнифайд-спортчы килде

Бөтенроссия махсус Олимпиада Спартакиадасында катнашу өчен Казанга 550 дән артык юнифайд-спортчы килде

<p> Татарстан башкаласы 4 – 7 мартта Махсус Олимпиаданың Бөтенроссия Спартакиадасы ярышларын кабул итә. Бүген Идел буе дәүләт физик культура, спорт һәм туризм университетында ачылу тантанасы булды. </p> <p> Россиянең 25 төбәгеннән 550 дән артык юнифайд-спортчы чаңгыда узышу ярышларында, кар өстендә йөгерүдә, гадәттәге юнифайд-флорболда катнашачак. Татарстанны 127 спортчы тәкъдим итә, дип хәбәр иттеләр шәһәрнең физик культура һәм спорт комитетында. </p> <p> Ярышлар «Буревестник» һәм «Локомотив» стадионында, шулай ук Бокс һәм өстәл теннисы үзәгендә узачак. Катнашучыларга 110 волонтер тарафыннан хезмәт күрсәтелә. </p> <p> Юнифайд-спорт – ул аерым ярышлар, анда бер команда өчен атлетлар (үсеш үзенчәлекләре булган кешеләр) һәм партнерлар (тайпылышсыз спортчылар) чыгыш ясый. </p> <p> Бөтенроссия Махсус Олимпиаданың Спартакиадасы Россиянең спорт министрлыгы, ТР Спорт министрлыгы, ТР Мәгариф министрлыгы тарафыннан «Россиянең махсус Олимпиадасы» төбәк оешмасы белән берлектә оештырыла. </p>

2025-03-04T13:59:00+0300