Узган тәүлектә Казан урамнарыннан 4 мең тоннадан артык кар чыгарылган

Бүген көндез урамнарны кардан чистартуга 429 юл эшчесе һәм 209 махсус техника чыгачак.

(Казан шәһәре KZN.RU, 16-нчы март). Узган тәүлек эчендә юл хуҗалыгы хезмәтләре Казан урамнарыннан 4640 тонна кар чыгарганнар. Казан урамнарын җыештыруга 548 юл эшчесе һәм 485 махсус техника берәмлеге, шул исәптән 143 катнаш юл машинасы, 11 кар төягеч, 102 трактор щеткасы, 18 грейдер, 62 фронталь төягеч, 45 «Барсик» мини-төягече, 93 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 42 тонна бозлавыкка каршы матдә, шул исәптән 16 тонна реагент һәм 26 тонна ком-тоз катнашмасы кулланылган.

Бүген көндез урамнарны кардан чистартуга 429 юл эшчесе һәм 209 махсус техника чыгачак, дип хәбәр итә Тышкы төзекләндерү комитеты.

Кар юлларның түбәндәге өлешләреннән чыгарылачак: Белинский, Болотников, Большая, Восход, Рихард Зорге, Кариев, Курск, Мариуполь, Маршал, Мотор, Родина, Урицкий, Шмидт урамнарыннан, Әмирхан проспектыннан, шулай ук Жилплощадка микрорайоны һәм Дальний поселогы урамнарыннан.

Шулай ук укыгыз

Барлык яңалыклар