Татарстанның 395 меңнән артык баласы 5 мең сум күләмендә бер тапкыр бирелә торган дәүләт түләвен алган

Быел түләү алу өчен гаризаны агымдагы атна ахырына кадәр тапшырырга кирәк.

Фото: Денис Гордийко

(Казан шәһәре KZN.RU, 25-нче декабрь). Татарстанның 395 меңнән артык баласы 5 мең сум күләмендә бер тапкыр түләнә торган дәүләт ярдәмен алды. Мондый ярдәм чарасы 7 яшькә кадәрге балалы гаиләләр өчен, 2020 елның 17-нче декабренә 8 яшь тулмаганнарга каралган.

Татарстан Республикасы буенча Россия Пенсия фонды бүлекчәсе матбугат хезмәте хәбәр иткәнчә, республиканың күпчелек гаиләләре автоматик рәвештә түләүне алган, аларга гаризаларсыз 3 һәм 3 яшьтән 16 яшькә кадәр балаларга түләүләр турындагы карарларның яз һәм җәй айларында кабул ителгән карарлары нигезендә акчаларны рәсмиләштергәннәр һәм күчергәннәр.

Яңа бер тапкыр бирелә торган түләүне алу өчен гаризаны дәүләт хезмәтләре порталында яки пенсия фондының клиент хезмәтләрендә 1-нче апрельгә кадәр бирергә мөмкин. Гариза түбәндәге очракларда кирәк булачак: әгәр бала 2020 елның 1 июленнән соң туган булса, әгәр ата-аналар, элек күрсәтелгән банк счеты ябылган булса (реквизитларны үзгәртү өчен гаризаның махсус формасы каралган). 2020 елда түләүне алу өчен гаризаны агымдагы атна ахырына кадәр тапшыру зарур.

Бер тапкыр бирелә торган түләүне алу буенча аңлатмаларны татарстанлылар махсус электрон сервис аша, шулай ук Татарстан Пенсия фондының контакт-үзәк телефоны +7(800)600-03-57 номеры буенча белешергә мөмкин.

Шулай ук укыгыз

Барлык яңалыклар