В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
14.12.2023, 10:15
Сәламәтлек мөмкинлекләре чикләнгән казанлылар муниципаль спорт объектларына 33 мең тапкырдан артык барган
Йөзү һәм дәвалау физкультурасы инвалид балалар һәм өлкәннәр арасындагы иң популяр юнәлешләр булып тора
Фото: Денис Гордийко
«Спорт – бердәм киңлек» программасы 2022 елдан Казан Башкарма комитетының Физик культура һәм спорт комитеты тарафыннан гамәлгә ашырыла. Һәр муниципаль спорт объектында түләүсез шөгыльләнүдән тыш, сәламәтлек мөмкинлекләре чикләнгән балалар һәм өлкәннәр өчен ташламалы рәвештә йөрү дә каралган. Секцияләр 1 нче һәм 2 нче төркем инвалидлар, инвалид балалар, 1 нче төркем инвалидларны озата баручылар, ятим балалар һәм ике ата-ана да 1 нче яки 2 нче төркем инвалид булган гаиләләр өчен ачык. Комитет битендә түләүле хезмәтләргә ташламалар һәм түләүсез нигездә дәресләр турында тулы мәгълүмат алырга, шулай ук җәдвәл белән танышырга мөмкин.
Бүгенге көндә муниципаль спорт мәктәпләренә 16 мең 865 кеше йөри. Укучылар арасында иң популяр спорт төрләре – футбол (2 мең 342 кеше), җиңел атлетика (1 мең 450 кеше), нәфис гимнастика (1 мең 382 кеше), йөзү (1 мең 224 кеше), хоккей (1 мең 57 кеше).
2023 елда комитет 370 тән артык спорт чарасы үткәрде.
Шулай ук укыгыз
-
24.07.2025, 12:00 -
24.07.2025, 11:22 -
23.07.2025, 17:46 -
23.07.2025, 17:27