Казанда 200дән артык самбочы ТР Президенты кубогына көрәшәчәк

Ярышларда 25 илдән 200-дән артык спортчы катнашачак.

(Казан шәһәре KZN.RU, 4-нче октябрь). 5-нче октябрьдән 7-нче октябрьгә кадәр “Ак Барс” көрәш сараенда Татарстан Республикасы Президенты кубогына самбо буенча халыкара турнир узачак.

Ярышларда Россия, Германия, Франция, Италия, Чехия, Венгрия, Нидерландлар, Латвия, Литва, Сербия, Греция, Эстония, Румыния, Грузия, Израиль, Казахстан, Киргизия, Молдавия, Үзбәкстан, Азәрбайҗан кебек 25 илдән 200-дән артык спортчы катнашачак. Спортчылар арасында спорт һәм көрәш самбосы буенча 27 авырлык категориясендә иң яхшыларын билгеләячәкләр.

Ярышлар 5-нче октябрь көнне 10.00 сәгатьтән 15.30 сәгатькә кадәр үтәчәк, тантаналы ачылыш – 16.00 сәгатьтә, 17.00 сәгатьтән 21.00 сәгатькә кадәр – финал очрашулар, җиңүчеләрне һәм призерларны бүләкләү.

6-нчы октябрьдә 10.00 сәгатьтән 16.00 сәгатькә кадәр ярышлар узачак; 16.00 сәгатьтән 21.00 сәгатькә кадәр – финал очрашулар, җиңүчеләрне һәм призерларны бүләкләү; 21.00 сәгатьтән 21.45 сәгатькә кадәр – ябылу тантанасы, дип хәбәр иттеләр Республика матбугат һәм массакүләм коммуникацияләр агентлыгында.

Шулай ук укыгыз

Барлык яңалыклар