20 меңнән артык кеше «Россия чаңгы юлы»нда катнашты

Казанда яшәүче дүрт яшьлек кызчык иң яшь катнашучы булды

8 февральдә Казанда узган «Россия чаңгы юлы – 2025» марафонында 20 меңнән артык кеше катнашты. Старт өч мәйданчыкта бирелде, анда иҗат коллективлары чыгышлары белән мәдәни программа оештырылды. Иң яшь катнашучы дүрт яшьлек Маргарита Минервина булды. Бу хакта эшлекле дүшәмбедә физик культура һәм спорт комитеты рәисе Линар Гарипов сөйләде.

«Мондый стартларга чыккан кешеләр медальләргә караганда кыймәтрәк рухи көч ала. Иң мөһиме – җиңү шатлыгы, ләззәт. Алар сәламәт яшәү рәвеше алып барырга кирәк булганнарның барысы өчен дә һәм үз балаларына үрнәк булып тора. Бу мисал Казан буйлап таралыр дип өметләнәм», – диде мэр Илсур Метшин.

Бу елның үзенчәлеге совет стилендә ретро-йөгерү булды, ул ветераннарны, «Яшәү яме» проекты катнашучыларын һәм барлык теләүчеләрне җыйды. Чара Ватанны саклаучылар елына һәм Бөек Ватан сугышында Җиңүнең 80 еллыгына багышланды.

Шулай ук Линар Гарипов «Алтын алка» турнирының гала-матчы турында сөйләде, анда өч яшь төркеме буенча 24 команда катнашкан. Алар арасында ярышларда җиңүчене ачыклаячаклар да. Башлангыч этапта 97 команда көч сынашкан.

Турнирда балалар белән бергә өч тапкыр Гагарин Кубогы иясе Дмитрий Обухов, СССР спорт мастеры, Казан хоккее тарихында иң яхшы бомбардир Сергей Столбун һәм Дәүләт Думасы депутаты Илья Вольфсон катнашкан, «Ак Барс» ХК уенчылары Илья Сафонов һәм Денис Комков яшь чемпионнарны сәламләгәннәр.

«Казанда кышкы сезон дәвам итә. Безне бик күп стартлар көтә, аларга без барыбыз да әзерләнәбез, шуңа күрә барысын да чаңгыда йөрергә һәм вакытны шугалакларда үткәрергә чакырабыз», – дип мөрәҗәгать итте халыкка Линар Гарипов.