Узган тәүлектә Казан урамнарыннан 10 мең тоннадан артык кар чыгарылган

Шәһәрне чистартуда 662 берәмлек махсус техника катнашкан.

(Казан шәһәре KZN.RU, 25-нче гыйнвар). Узган тәүлек эчендә юл хуҗалыгы хезмәтләре 10812 тонна кар чыгарганнар. Казан урамнарын җыештыруга 491 юл эшчесе һәм 662 махсус техника берәмлеге, шул исәптән 151 катнаш юл машинасы, 17 кар төягеч, 112 трактор щеткасы, 29 грейдер, 75 фронталь төягеч, 49 "Барсик" мини-төягече, 206 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 1443 тонна бозлавыкка каршы матдә, шул исәптән 282 тонна реагент һәм 1161 тонна ком-тоз катнашмасы кулланылган.

Бүген көндез урамнарны кардан чистартуга 435 юл эшчесе һәм 323 махсус техника чыгачак, дип хәбәр итә Тышкы төзекләндерү комитеты.

Кар түбәндәге урамнардан чыгарылачак: Әпсәләмов, Айдаров, Бассейн, Батурин, Бауман, Бирюзовая, Большая Красная, Бутлеров, Васильченко, Гвардия, Дементьев, Зорге, Фатих Кәрим, Краснококшайская, Кремль, Копылов, Ломжа, Лукин, Кече Мәскәү, Карл Маркс, Меридиан, Минск, Музыка, Яңа Дәүләки, Рәхимов, Петербург, Сабан, Сара Садыйкова, Социалистик, Зәйни Солтан, Сибгат Хәким, Халтурин, Челюскин, Четаев, Чистай, Әмирхан, Ибраһимов һәм Ямашев проспектлары, Сәет-Галиев һәм Татарстан урамнарында тукталыш мәйданчыклары, Меңьеллык мәйданы, Ирек мәйданы, Мамадыш һәм Себер тракты, Бутлеровка һәйкәл янындагы мәйдан.

Шулай ук укыгыз

Барлык яңалыклар