«Зәкят» хәйрия фонды мохтаҗларга кайнар төшке аш, бал һәм сезонлы кием таратты

«Зәкят» хәйрия фонды мохтаҗларга кайнар төшке аш, бал һәм сезонлы кием таратты

<p> </p> <div class="detail-picture"> <img src="https://kzn.ru/upload/iblock/391/DSC_8044_870.jpg"> <p class="detail-picture__caption"> Фото: ТР мөселманнары Диния нәзарәте матбугат хезмәте </p> </div> (Казан шәһәре KZN.RU, 6 нчы декабрь). Татарстан мөселманнары Диния нәзарәтенең «Зәкят» хәйрия фонды Казанда Борһан Шаһиди урамындагы скверда кайнар ашлар таратуны оештырды. Мохтаҗларны шулай ук <a target="_blank" href="https://kzn.ru/meriya/press-tsentr/novosti/podopechnym-blagotvoritelnogo-fonda-zakyat-peredano-200-litrov-meda/">бал белән сыйладылар</a>, сезонлы киемнәр бирделәр.<br> <p> </p> <p> Кайнар төшке ашка беренче һәм икенче ризыклар (ит шулпасы һәм пылау), икмәк, чәй һәм десерт керә. Фонд хезмәткәрләре бер сәгать эчендә 50 дән артык кешене ашатты. Шул ук күләмдә мохтаҗлар бал һәм сезонлы кием алдылар, аларны битараф булмаган шәһәрлеләр биргән. Бушлай кайнар ризык дүшәмбе һәм җомга көннәрендә Борһан Шаһиди урамындагы скверда бирелә. </p> <p> ТР мөселманнары Диния нәзарәтенең «Зәкят» хәйрия фонды шулай ук чәршәмбе көнне Дубравная урамындагы Ветераннар йортында тәрбияләнүчеләр өчен хәйрия ашлары оештыра. Кайнар ризыкны сәламәтлек мөмкинлекләре чикләнгән өлкәннәргә, Бөек Ватан сугышында катнашучыларга, вафат һәм һәлак булучыларның тол хатыннарына, блокадалы Ленинградта булучыларга, тыл хезмәтчәннәренә һәм хезмәт ветераннарына бушлай тараталар. </p> <p> Гомумән алганда, ТР Диния нәзарәте «Зәкят» хәйрия фонды бер атна эчендә 150 ләп мохтаҗ өчен хәйрия ашлары үткәрә. Ә 2022 елда 3 меңнән артык кеше кайнар ризык белән тәэмин ителгән, дип хәбәр итә ТР мөселманнары Диния нәзарәте матбугат хезмәте. </p>

2022-12-06T12:25:43+0300