Казанда «Китапханә төне»: китап өемнәре, лампалар астында уку һәм «тыныч» концерт

Чара бу шимбәдә ТР Милли китапханәсендә узачак

Фото: Денис Гордийко

Казанда 20 нче апрельдә «Китапханә төне» узачак. Шәһәрлеләрне китап өемнәре, лампалар һәм фонарьлар астында уку, наушникларда концерт тыңлау һәм кичке экскурсия көтә. Күпчелек чараларга керү өчен теркәлү зарур.

Чара ТР Милли китапханәсендә оештырыла. Катнашучыларны 9:00 сәгатьтән 21:00 сәгатькә кадәр беренче каттагы холлда китап өемнәре көтәчәк. Күңелгә хуш килгән китапны алып укырга мөмкин булачак.

Соңрак, 18:00 сәгатьтә, бинаның сул канатында «Әниләр диалоглары» укуы планлаштырыла. Әниләр язучы Радмила Хакова тарафыннан үткәрелгән воркшоп вакытында балалары турында үзләре иҗат иткән хатирәләрне укый алачак. Укуны оештыруда режиссер һәм актриса Елена Калаганова ярдәм итәчәк. Теркәлү ачык.

18:30 сәгатьтә шәһәрлеләр «Тыныч тавыш» форматындагы чыгышларны тамаша кыла ала. Икенче каттагы холл сәхнәсенә Machinegren, Disharino и Suleymanov локаль артистлары чыгачак. Шәһәрнең кичке панорамасы фонында казанлылар музыканы чыбыксыз наушникларда тыңлаячак. Керү – билетлар буенча.

20:00 сәгатьтә музыка залында лампалар астында укулар оештырыла. Мәйданчыкта Фрэнк Гербертның «Дюна» әсәре буенча китап клубы эшләячәк. Катнашу өчен теркәлергә кирәк.

Бер үк вакытта балалар залында яшь казанлылар өчен фонарьлар белән укулар узачак. Алар Шарль Перроның «Пряничный домик» әсәре буенча оештырылган китап клубында була алачак. Катнашучылар персонажлар турында фикер алышачак һәм әкиятнең бер өлешен сәхнәләштерәчәк. Кунакларны алдан теркәлү буенча кабул итәчәкләр.

Чаралар сериясенә китапханә буенча төнге экскурсияләр нокта куя. Алар 21:00 һәм 21:30 сәгатьләрдә узачак. Керү – билетлар буенча, дип хәбәр иттеләр ТР Милли китапханәсе матбугат хезмәтендә. Учреждение Пушкин урамы, 86 адресы буенча урнашкан.

Шулай ук укыгыз

Барлык яңалыклар