Автомобиль бамперы һәм офис кәнәфие: 7 сәгать эчендә активистлар Казансу үзәненнән 280 кг чүп-чар җыйды

Экологик акциягә шәһәрнең 50 кешесе кушылды.

Фото: «Казансуны үстерү стратегиясе» проектының матбугат хезмәте

(Казан шәһәре KZN.RU, 27 нче июнь). Татарстан башкаласының 50 кешесе 25 нче июнь көнне узган Казансу буенча экологик сплавта катнашты. Барлыгы 7 сәгать эчендә активистлар катамараннарда 11,5 чакрым араны уздылар һәм 280 кг авырлыкта 45 капчык чүп җыйдылар.

Урманче поселогыннан Зәңгәр күлләргә кадәр елга үзәнен чүп-чардан чистартып, акциядә катнашучылар судан шешәләр, кием-салым, автомобиль бамперын, офис кәнәфиен һәм башка әйберләрне чыгардылар, дип хәбәр иттеләр «Казансуны үстерү стратегиясе» проектының матбугат хезмәтендә.

Июль аенда активистлар өчен тагын бер чара оештырылачак, анонсларны проектның Telegram-каналында һәм «Вконтакте»дагы рәсми берләшмәсендә күзәтеп була.

Исегезгә төшерәбез, мондый беренче акция узган ел булды: 47 активист 310 кг авырлыктагы 50 капчык чүп җыйды һәм 11,5 км ны йөзеп узды.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар