Азат Нигъмәтҗанов «Ак таш»ны «фон»ның «Яшьләр» торак комплексының икенче йортында эшләрне тизләтергә чакырды

Хәзер объектта 97 белгеч эшли.

(Казан шәһәре KZN.RU, 29-нчы июль, Алсу Сафина). «Фон»ның «Яшьләр» торак комплексының икенче йортында эшләрне тизләтергә бүген «Ак таш» компаниясен традицион күчмә киңәшмәдә Башкарма комитет җитәкчесенең беренче урынбасары Азат Нигъмәтҗанов чакырды.

Бүген проблемалы объектның төзелеш мәйданчыгында 97 белгеч эшли, шул ук вакытта объектны билгеләнгән вакытта төгәлләү өчен ким дигәндә тагын 50 эшче таләп ителә. «Мондый объект өчен 97 кеше аз», - диде А.Нигъмәтҗанов.

Киңәшмәгә килгән «Фон» өлешчеләре белән аралашуда Башкарма комитет җитәкчесенең беренче урынбасары билгеләп үткәнчә, графиктан артта калу һәм эшләрне башкаруның түбән темплары объектта белгечләр җитмәү белән бәйле. А.Нигъмәтҗанов аңлатканча, «Ак таш» компаниясе республика өчен әһәмиятле объектлар төзүдә катнаша. Ул ассызыклаганча, бүгенге көндә хәл ителмәгән кайбер системалы сораулар кала.

Аерым алганда, киңәшмәдә билгеле булганча, йортта электрика эшләре дәвам итә, аларны 4 белгеч башкара, эшләрне тизләтү өчен якынча 10 кешене эшкә җәлеп итәргә кирәк. Моннан тыш, шәхси җылылык пунктын монтажлау мәсьәләсе хәл ителә. «Ак таш» компаниясе директорының беренче урынбасары Дмитрий Клыков хәбәр иткәнчә, 10-нчы августта төзелеш мәйданчыгына лифтлар китереләчәк. Шуның белән бергә тәрәзә һәм витраж урнаштыру һәм башка эшләр дә дәвам итә. Киңәшмәдә катнашучылар шулай ук йорт яны территориясен төзекләндерү турында да фикер алыштылар.

Исегезгә төшерәбез, 190 фатирлы йортта эшләр 2018 елның көзендә яңадан башланды. Аларның бер өлешен, өлешчеләр акчасына, 14-16 катлы йортта «ГК «СК Строй» җаваплылыгы чикләнгән җәмгыяте эшләгән, хәзер объектны төзеп бетерүне «Ак таш» дәвам итә - 2018 елда төзелгән өлешчеләргә ярдәм итү республика фонды катнашында. Объектны төзеп бетерүне финанслау подрядчыга -«Ак таш»ка - 33-нче хәрби шәһәрчектә 28 мең кв.м мәйданлы республика җир кишәрлеген бирү юлы белән башкарыла.

Төзелеше 2010 еллар башында старт алган һәм берничә елдан, төзүченең банкротлыгы белән бәйле рәвештә, туктатылган «Яшьләр» торак комплексында барлыгы 5 йорт бар. 2015 ел ахырында торак комплексының дүртенче йорты файдалануга тапшырылды, 2017 ел ахырында - өченче йорт, ә 2019 елның декабрендә - беренче йорт.

Киңәшмәдә Капиталь төзелеш һәм реконструкция идарәсе башлыгы Марат Сәмигуллин, челтәрле оешмалар вәкилләре катнашты.