Табигый газда йөри торган автобус Казанда җәмәгать транспортының ике маршрутында сынадылар

Тест нәтиҗәләре максималь дөрес булсын өчен “экоавтобус” салонында пассажирлар авырлыгын имитацияләү максатыннан махсус авырайткычлар куелды.

(Казан шәһәре KZN.RU, 20-нче март). Казанда табигый газда йөри торган түбән идәнле “НЕФАЗ 5299-0000040-57” маркалы автобус сынау башланды. Аны сынау шартлары гадәти шартларга макисмаль якынайтылды – “экоавтобус” тулы маршрут буенча йөри, сайланган маршрутның барлык тукталышларында туктый. Транспорт чарасы НЕФАЗ заводында (“Нефтекама автозаводы”) – “КАМАЗ” ААҖ бүлендек предприятиесе җыелган.

Тест эксплуатациясе шәһәрнең ике предприятиесендә уза – 3 көн дәвамында автобус “ПАТП №2” маршрутына чыга һәм 4 көн – “ПАТП №4”. Дөрес, “экоавтобус” буш килеш йөри, ләкин тест нәтиҗәләре максималь дөрес булсын өчен “экоавтобус” салонында пассажирлар авырлыгын имитацияләү максатыннан махсус авырайткычлар куелды. Автобусның пассажирлар сыешлыгы – 110 кеше, шуларның 28 урыны – утырып йөрү өчен. Моннан кала, салонда инвалид арбасы өчен урын каралган.

Транспорт комитетында сөйләгәнчә, тест транспорты чыга торган маршрутлар көн саен үзгәрә. Мәсәлән, 19 мартта автобус 45-нче маршрут буенча йөрде, ә бүген – 22-нче маршрутта. Яңа маршрутны сайлау алдагы көнне автобусның тест нәтиҗәләре буенча билгеләнә.

Шулай ук укыгыз

Барлык яңалыклар