Казанның «Черек күл» паркында ата-аналарга лекция укыячаклар

Катнашучыларны баланы биләүгә төрергә һәм кулда дөрес тотарга өйрәтәчәкләр

3 нче августта «Черек күл» паркында сабыйны туганнан соң адаптацияләү темасына лекция булачак. Чарада Казан Сәламәтлек саклау идарәсенең штаттан тыш баш акушер-гинекологы Лариса Фәткуллина чыгыш ясаячак.

Лекция булачак ата-аналарга һәм яңа туган баланы карау турындагы сорауларга юлыкканнарга файдалы булачак. Тыңлаучылар бала тапканнан соң дөрес тернәкләнү, сабый өчен даруханә тутыру, көн режимының нормальләшүе һәм баланың тиресен тәрбияләү турында беләчәкләр. Кунакларны шулай ук балаларны биләүгә төрергә һәм аларны кулда дөрес тотарга өйрәтәчәкләр.

Лекция 17:30 да башлана. Анда теләгән һәркем килә ала, дип хәбәр иттеләр Казанның Парклар һәм скверлар дирекциясендә.

Чара «Элемтә» проекты тарафыннан оештырылган, ул йөкле хатын-кызларның һәм йөрәк-кан тамырлары авырулары булган кешеләрнең хәлен күзәтү сервисы булып тора. Бүгенге көндә проектка Казанның барлык хатын-кызлар консультацияләре тоташтырылган. Сервистан сайтта яки мобиль кушымтада файдаланырга мөмкин. «Элемтә»гә керү мөмкинлеген поликлиникадагы табиб бирә.

Татарстан башкаласында планлаштырылган башка вакыйгалар белән махсус бүлектә танышырга мөмкин.

Шулай ук укыгыз

Барлык яңалыклар