Алексей Соколов ТР буенча Эчке эшләр министры урынбасары итеп билгеләнде

Алексей Соколов ТР буенча Эчке эшләр министры урынбасары итеп билгеләнде

<p> (Казан шәһәре KZN.RU, 4-нче апрель). Полиция полковнигы Алексей Соколов Татарстан Республикасы буенча Эчке эшләр министры урынбасары – полиция башлыгы итеп билгеләнде. Тиешле указга Россия Президенты Владимир Путин кул куйды. Элегрәк Алексей Соколов Россия Эчке эшләр министрлыгының Казан буенча идарәсе башлыгы вазифасын башкарган иде.<br> </p> <p> Алексей Соколов 1975 елның 8-нче маенда Зәй шәһәрендә туа. 1998 елда Россия Эчке эшләр министрлыгының Казан юридик институтын юриспруденция белгечлеге буенча тәмамлый. Эчке эшләр органнарында 1994 елдан бирле хезмәт итә. Дәүләт һәм ведомство бүләкләре белән бүләкләнгән, дип хәбәр итә Татарстан Республикасы буенча Эчке эшләр министрлыгы матбугат хезмәте. </p>

2019-04-04T14:06:12+0300