«Игелекле Казан» активистлары сәламәтлек мөмкинлекләре чикләнгән кешеләргә сигез «мобиль чәчәк түтәле» тапшырды

Чәчәклекнең формасы аңа җиңел генә якын килергә мөмкинлек бирә

Фото: «Игелекле Казан» автоном коммерцияле булмаган оешмасы

(Казан шәһәре KZN.RU, 24 нче июль). «Игелекле Казан» активистлары сәламәтлек мөмкинлекләре чикле балалар яки өлкәннәр булган гаиләләргә сигез «мобиль чәчәк түтәле» тапшырды. Тагын алты чәчәк түтәле тиздән яңа хуҗалы булачак.

Чәчәк түтәлләрендә инвалид казанлылар үсемлекләрне үзләре үстерә һәм аларны карый ала. Чәчәк түтәлләренең махсус уйланылган булуы үсентеләргә җиңел һәм уңайлы якын килергә мөмкинлек бирә. Клумбалар зурлыгы, биеклеге, киңлеге һәм тирәнлеге буенча теләкләрне исәпкә алып ясала. Мәсәлән, озын тамырлы үсемлекләр утырту өчен чәчәк түтәлен тирәнәйтергә мөмкин, дип хәбәр итә «Игелекле Казан» автоном коммерцияле булмаган оешмасы матбугат хезмәте.

Клумбаларны балта остаханәсендә ябык типтагы Раиф махсус уку-тәрбия учреждениесе тәрбияләнүчеләре ясый. Аннары чәчәк түтәлләрен «Игелекле Казан» коворкингына җибәрәләр, анда аларны менталь тайпылышлары булган балалар буяп тора. Шуннан соң волонтерлар чәчәк түтәлләрен инвалидлар җәйләрен үткәргән дачаларга илтәләр. Шулай ук «Игелекле Казан» үсемлекләр утырту өчен туфрак һәм керамзит бирә.

Шулай ук укыгыз

Барлык яңалыклар