«Ак Барс» үз кырында Рига шәһәренең «Динамо» командасын кабул итәчәк

Бу сезонда Казан клубы 35 җиңү яулады, ә аның көндәше – 7 генә.

Фото: «Ак Барс» хоккей клубы

(Казан шәһәре KZN.RU, 19-нчы гыйнвар). Казан «Ак Барс»ы үз бозында Риганың «Динамо»сын кабул итәчәк. Матч бүген «Татнефть Арена»да 19.00 сәгатьтә узачак.

Булачак уен хәзерге үз кырында уза торган уеннар сериясендә өченче булачак. Омск шәһәренең «Авангард» командасы һәм Түбән Новгородның «Торпедо» командасы белән алдагы очрашулар җиңү белән тәмамланды.

Казан клубы элеккечә Континенталь хоккей лигасы көнчыгыш конференциясенең турнир таблицасының беренче баскычын алып тора. «Барслар» арсеналында 74 очко һәм 47 уенда 35 җиңү. Команданың хәзерге көндәше – «Динамо» – Континенталь хоккей лигасының көнбатыш конференциясенең турнир таблицасын йомгаклый. Рига хоккейчылары җиңүгә 45 матчның 7-сендә генә иреште һәм 21 очко эшләде, дип хәбәр ителә Казан хоккей клубы сайтында.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар