«Ак Барс» Минскның «Динамо» командасын җиңде

Дүрт матч нәтиҗәләре буенча Казан клубы Континенталь хоккей лигасының көнчыгыш конференциясе турнир таблицасында бишенче юлны алып тора.

(Казан шәһәре KZN.RU, 10-нчы сентябрь). Күчмә сериянең беренче матчында Казан «Ак Барс»ы Минскның «Динамо» командасын җиңде. Континенталь хоккей лигасының даими чемпионаты кысаларындагы уен кунаклар файдасына 4:5 исәбе белән тәмамланды.

Көндәшләр капкасына биш алканы Казан хоккейчылары Артем Галимов, Дмитрий Воронков, Данис Зарипов, Найджел Доус һәм Станислав Галиев кертте.

Дүрт матч нәтиҗәләре буенча «Ак Барс» Континенталь хоккей лигасының көнчыгыш конференциясе турнир таблицасында бишенче юлны алып тора - клуб арсеналында алты очко һәм өч җиңү бар, шуларның икесенә овертаймда ирешелде. Минск командасы казанлылардан бераз артта кала - уенчылар ике генә җиңү яулады һәм дүрт очкога ия булды. Континенталь хоккей лигасының көнбатыш конференциясендә «Динамо» җиденче урында тора.

Киләсе матчны «Ак Барс» 11-нче сентябрьдә «Йокерит» (Хельсинки) фин клубына каршы уздырачак. 13-нче сентябрьдә Казан хоккейчылары «Сочи» хоккей клубы уенчылары белән очрашачак. Казан клубының якын арада үз кырында узачак уены 17-нче сентябрьгә Уфаның «Салават Юлаев»ына каршы планлаштырылган, дип хәбәр ителә «Ак Барс» сайтында.

Шулай ук укыгыз

Барлык яңалыклар