Татарстан Республикасының инвестицион үсеш агентлыгы YouTube каналында турыдан-туры трансляцияләр башлап җибәрергә планлаштыра

Ресурста агентлык үткәргән чаралардан эксклюзив видеолар урнаштырыла.

(Казан шәһәре KZN.RU, 2-нче август). ТР Инвестицион үсеш агентлыгы YouTube каналында турыдан-туры трансляцияләр башлап җибәрергә планлаштыра. Татарстанда инвестиция эшчәнлеге турында каналның 500-дән артык абунәчесе бар. Биредә даими рәвештә Татарстан Республикасы Инвестицион үсеш агентлыгы үткәргән чаралардан, шул исәптән ел саен үткәрелә торган «Россия – Ислам дөньясы: KazanSummit» халыкара икътисади саммитыннан, ТР Инвесторлар клубы утырышларыннан һәм башкалардан эксклюзив видеолар урнаштырыла.

Видео берничә телдә, шул исәптән – рус, инглиз, төрек, француз, алман, кытай, япон һәм гарәп телләрендә яздырыла, дип хәбәр итә ТР Инвестицион үсеш агентлыгы.

1 мең әбүнәче җыеп, агентлык турыдан-туры трансляцияләр алып бара алачак. Турыдан-туры трансляцияләр алып бару мөмкинлеге аркасында, татарстанлылар республиканың инвестицион өлкәсендәге вакыйгаларга кушыла ала. Каналга язылу өчен YouTube эзләү юлында «investtatarstan» кертергә кирәк.

Шулай ук укыгыз

Барлык яңалыклар