Аферистлар Казанда яшәүче ханымның банк картасыннан 360 мең сумнан артык акча урлаган

Билгесез кеше үзен Үзәк банкның куркынычсызлык хезмәте хезмәткәре дип таныштырган һәм телефонына кушымта урнаштыруны сораган.

Фото: Денис Гордийко

(Казан шәһәре KZN.RU, 3 нче март). Казанда яшәүче ханым үзен Үзәк банкның куркынычсызлык хезмәте хезмәткәре дип таныштырган мошенникка ышанып, 360 мең сумнан артык акча югалткан.

22 нче февральдә «Юдино» полиция бүлегенең кизү частена акча урлау турында гариза белән Казанда яшәүче ханым мөрәҗәгать иткән. Ул хәбәр иткәнчә, аңа үзен Үзәк банкның куркынычсызлык хезмәте хезмәткәре дип таныштырган ир-ат шалтыраткан һәм билгесез кушымтаны телефонына урнаштыруны сораган. Урнаштырганнан соң ул банк счетыннан акчаларның билгесез счетка күчерелүен күргән. Матди зыян 360 мең сумнан артык тәшкил иткән.

Әлеге факт буенча РФ Җинаять кодексының 159 нчы маддәсенең 3 нче өлешендә каралган «Урлау» җинаять билгеләре буенча җинаять эше кузгатылган. Җинаять эшен тикшерү дәвам итә, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Казанлыларны игътибарлы булырга чакыралар – смартфонга билгесез кушымталар урнаштырырга, шулай ук аферистлар киңәшләрен үтәргә ярамый, шалтырату турында мәгълүматны банктан белешергә кирәк.

Шулай ук укыгыз

Барлык яңалыклар