Узган тәүлектә Казан урамнарыннан 9,5 меңгә якын тонна кар чыгарылган

Юлларны эшкәртү өчен 394 тонна бозлавыкка каршы матдә кулланылган.

(Казан шәһәре KZN.RU, 29-нчы гыйнвар). Узган тәүлек эчендә юл хуҗалыгы хезмәтләре 9419 тонна кар чыгарганнар. Казан урамнарын җыештыруга 490 юл эшчесе һәм 634 махсус техника берәмлеге, шул исәптән 135 катнаш юл машинасы, 17 кар төягеч, 117 трактор щеткасы, 27 грейдер, 73 фронталь төягеч, 53 "Барсик" мини-төягече, 190 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 394 тонна бозлавыкка каршы матдә, шул исәптән 38 тонна реагент һәм 356 тонна ком-тоз катнашмасы кулланылган.

Бүген көндез урамнарны кардан чистартуга 437 юл эшчесе һәм 301 махсус техника чыгачак, дип хәбәр итә Тышкы төзекләндерү комитеты.

Кар түбәндәге урамнардан чыгарылачак: 2-нче Юго-Западная, Адоратский, Әмирхан, Бассейн, Бауман, Беломорск, Васильченко, Петр Витер, Восстание, Горький шоссесы, Дементьев, Ибраһимов, Ижевск, Ильич, Галиәскар Камал, Копылов, Красиков, Кремль, Гадель Кутуй, Лаврентьев, Лена, Мәүлетов, Карл Маркс, Меридиан, Минск, Октябрь, Павлов, Павлюхин, Сара Садыкова, Химиклар, Сибгат Хәким, Чернышевский, Чистай, Чкалов, Чуйков, Юлиус Фучик, Ямашев, Ирек мәйданы.

Шулай ук укыгыз

Барлык яңалыклар