«Ел укытучысы» конкурсының республика этабында абсолют җиңүче 121 номерлы лицей укытучысы Илья Тарасов булды

Йомгаклау этабында 10 Казан укытучысы катнашты

Фото Мәгариф идарәсе белән тәкъдим ителде

121 нче номерлы лицейның рус теле һәм әдәбияты укытучысы Илья Тарасов «Ел укытучысы – 2026» конкурсының республика этабында абсолют җиңүче булды. Хәзер аңа Татарстан данын конкурсның Россия этабында – Россиянең төрле төбәкләреннән иң яхшы укытучылары арасында якларга кирәк булачак.

«Бу җиңү белән җилкәләремә икеләтә җаваплылык төште. Хәзер төбәк эчендәге югары дәрәҗәгә генә түгел, ә ил күләмендәге мәгариф системасына туры килергә кирәк. Бу җиңел түгел, әмма мин бик бәхетле кеше – минем тормыш юлымда миңа чын укытучы, яхшы остаз булырдай кешеләр очрады дип горурланып әйтә алам. Аларның ярдәменнән, кайгыртуыннан башка мин җиңү яулый алмас идем», – дип әйтте «Ел укытучысы» төбәк конкурсының җиңүчесе Илья Тарасов.

Ул чараны оештыручыларга рәхмәтен җиткерде: «Безгә мөмкин кадәр канаталарыбызны җәяргә һәм үз осталыкларыбызны күрсәтергә мөмкинлек биргәнегез өчен рәхмәт. Мин һәрвакыт йөрәгем кушканны эшләргә өйрәнгән. Чын күңелдән рәхмәтемне гаиләмә, әниемә һәм әбиемә җиткерәсем килә, алар һәрвакыт минем янымда, минем өчен җанатып торалар, миңа ышаналар. Бу – иң мөһиме! Үз-үзегезгә ышаныгыз, һәм барысы да уңышлы булачак!»

Конкурс нәтиҗәләре буенча биш Казан укытучысы мактаулы беренче урыннарны яулады.

«Педагогик дебют» номинациясенә Лобачевский исемендәге лицейның рус теле һәм әдәбияты укытучысы Ксения Фазылова ия булды;

«Татар теле һәм әдәбияты укытучысы» номинациясендә беренче урынны 11 нче номерлы лицей укытучысы Резидә Курамшина яулады;

«Ел тәрбиячесе» номинациясендә 78 нче номерлы балалар бакчасы тәрбиячесе Елена Бербина иң яхшылар исемлегенә керде;

«Татар телендә белем һәм тәрбия бирә торган төркем тәрбиячеләре» номинациясендә беренче урынны 358 нче номерлы балалар бакчасы тәрбиячесе Алсу Галиева алды.

«Россиянең Ел укытучысы» Бөтенроссия конкурсы һәр елны берничә этап буенча уздырыла: мәктәп, муниципаль, зона, төбәк һәм йомгаклау этаплары. Быел мәктәп этабында Татарстан буенча 1800 дән артык укытучы катнашты, аларның 900 е муниципаль турга үтте, 92 есе зона этабында катнашты, 62 есе төбәк этапка узды. Республика этабына исә Казаннан 22 педагог чыкты.

Конкурс нәтиҗәләре буенча төбәк этапта 25 финалчы булды, шуларның 10 ысы – Казан укытучылары. Финалчылар арасында «Укытучы – предметник» номинациясендә 19 нчы гимназиянең тарих һәм иҗтимагый белем укытучысы Айдар Галимов, «Педагогик дебют» номинациясендә 179 нчы гимназиянең физика укытучысы Маргарита Арешина уңыш яулады.

«Ел тәрбиячесе» һәм «Татар телендә белем бирү төркеме тәрбиячесе» номинацияләрендә дә Казан тәрбиячеләре иң яхшылар исемлегенә керделәр. Алар арасында 114 нче номерлы балалар бакчасы тәрбиячесе Айсылу Зәйнуллина, 132 нчы номерлы балалар бакчасы тәрбиячесе Карина Хуҗиәхмәтова һәм 99 нчы номерлы балалар бакчасы тәрбиячесе Гөлчәчәк Лотфуллина финалчылар булдылар.

Үзләренең һөнәри осталыгын катлаулы сайлау сынаулары аша узып дәлилләделәр, шул исәптән «Дәрес» һәм «Педагогик интервью». Соңгысы «сорау-җавап» төрендәге жюри әгъзалары белән әңгәмәне хәтерләтә – бу укытучыларның мәгариф өлкәсендә туа торган көнүзәк сорауларны хәл итә белүләрен тикшерә торган сынау.

Конкурсның икенче өлешенә «Мастер-класс», «Блиц-турнир» һәм «Белем бирү проекты» биремнәре керә. Иң яхшы нәтиҗәләрне күрсәткән укытучылар «Ел укытучысы» конкурсының бөтенроссия этабында Татарстан данын яклаячаклар.

Исегезгә төшерәбез, һәр елны шәһәр этабы җиңүчеләре «Ел укытучысы» конкурсының төбәк этабында Казан шәһәрен лаеклы яклыйлар. Соңгы биш ел эчендә төбәк этапта 65 Казан укытучысы җиңүче һәм призер булды, 12 педагог төбәкне федераль дәрәҗәдә яклап чыкты. Шулай ук республика этабында Казаннан алты катнашучы абсолют җиңүче булып игълан ителде, ә 23 укытучы беренче урыннарны яулады.

Шулай ук укыгыз

Барлык яңалыклар

<div class="detail-picture"> <img src="https://kzn.ru/upload/iblock/5bb/5bb9ec9ddc1dea4e9e959b39ed1a0283.jpg"> Фото Мәгариф идарәсе белән тәкъдим ителде </div> 121 нче номерлы лицейның рус теле һәм әдәбияты укытучысы Илья Тарасов «Ел укытучысы – 2026» конкурсының республика этабында абсолют җиңүче булды. Хәзер аңа Татарстан данын конкурсның Россия этабында – Россиянең төрле төбәкләреннән иң яхшы укытучылары арасында якларга кирәк булачак. «Бу җиңү белән җилкәләремә икеләтә җаваплылык төште. Хәзер төбәк эчендәге югары дәрәҗәгә генә түгел, ә ил күләмендәге мәгариф системасына туры килергә кирәк. Бу җиңел түгел, әмма мин бик бәхетле кеше – минем тормыш юлымда миңа чын укытучы, яхшы остаз булырдай кешеләр очрады дип горурланып әйтә алам. Аларның ярдәменнән, кайгыртуыннан башка мин җиңү яулый алмас идем», – дип әйтте «Ел укытучысы» төбәк конкурсының җиңүчесе Илья Тарасов. Ул чараны оештыручыларга рәхмәтен җиткерде: «Безгә мөмкин кадәр канаталарыбызны җәяргә һәм үз осталыкларыбызны күрсәтергә мөмкинлек биргәнегез өчен рәхмәт. Мин һәрвакыт йөрәгем кушканны эшләргә өйрәнгән. Чын күңелдән рәхмәтемне гаиләмә, әниемә һәм әбиемә җиткерәсем килә, алар һәрвакыт минем янымда, минем өчен җанатып торалар, миңа ышаналар. Бу – иң мөһиме! Үз-үзегезгә ышаныгыз, һәм барысы да уңышлы булачак!» Конкурс нәтиҗәләре буенча биш Казан укытучысы мактаулы беренче урыннарны яулады. «Педагогик дебют» номинациясенә Лобачевский исемендәге лицейның рус теле һәм әдәбияты укытучысы Ксения Фазылова ия булды; «Татар теле һәм әдәбияты укытучысы» номинациясендә беренче урынны 11 нче номерлы лицей укытучысы Резидә Курамшина яулады; «Ел тәрбиячесе» номинациясендә 78 нче номерлы балалар бакчасы тәрбиячесе Елена Бербина иң яхшылар исемлегенә керде; «Татар телендә белем һәм тәрбия бирә торган төркем тәрбиячеләре» номинациясендә беренче урынны 358 нче номерлы балалар бакчасы тәрбиячесе Алсу Галиева алды. <img width="870" src="https://kzn.ru/upload/iblock/f3c/f3c46cd1806723ebd318d92b78cdb7ff.JPG" height="653"> «Россиянең Ел укытучысы» Бөтенроссия конкурсы һәр елны берничә этап буенча уздырыла: мәктәп, муниципаль, зона, төбәк һәм йомгаклау этаплары. Быел мәктәп этабында Татарстан буенча 1800 дән артык укытучы катнашты, аларның 900 е муниципаль турга үтте, 92 есе зона этабында катнашты, 62 есе төбәк этапка узды. Республика этабына исә Казаннан 22 педагог чыкты. Конкурс нәтиҗәләре буенча төбәк этапта 25 финалчы булды, шуларның 10 ысы – Казан укытучылары. Финалчылар арасында «Укытучы – предметник» номинациясендә 19 нчы гимназиянең тарих һәм иҗтимагый белем укытучысы Айдар Галимов, «Педагогик дебют» номинациясендә 179 нчы гимназиянең физика укытучысы Маргарита Арешина уңыш яулады. «Ел тәрбиячесе» һәм «Татар телендә белем бирү төркеме тәрбиячесе» номинацияләрендә дә Казан тәрбиячеләре иң яхшылар исемлегенә керделәр. Алар арасында 114 нче номерлы балалар бакчасы тәрбиячесе Айсылу Зәйнуллина, 132 нчы номерлы балалар бакчасы тәрбиячесе Карина Хуҗиәхмәтова һәм 99 нчы номерлы балалар бакчасы тәрбиячесе Гөлчәчәк Лотфуллина финалчылар булдылар. Үзләренең һөнәри осталыгын катлаулы сайлау сынаулары аша узып дәлилләделәр, шул исәптән «Дәрес» һәм «Педагогик интервью». Соңгысы «сорау-җавап» төрендәге жюри әгъзалары белән әңгәмәне хәтерләтә – бу укытучыларның мәгариф өлкәсендә туа торган көнүзәк сорауларны хәл итә белүләрен тикшерә торган сынау. Конкурсның икенче өлешенә «Мастер-класс», «Блиц-турнир» һәм «Белем бирү проекты» биремнәре керә. Иң яхшы нәтиҗәләрне күрсәткән укытучылар «Ел укытучысы» конкурсының бөтенроссия этабында Татарстан данын яклаячаклар. Исегезгә төшерәбез, һәр елны шәһәр этабы җиңүчеләре «Ел укытучысы» конкурсының төбәк этабында Казан шәһәрен лаеклы яклыйлар. Соңгы биш ел эчендә төбәк этапта 65 Казан укытучысы җиңүче һәм призер булды, 12 педагог төбәкне федераль дәрәҗәдә яклап чыкты. Шулай ук республика этабында Казаннан алты катнашучы абсолют җиңүче булып игълан ителде, ә 23 укытучы беренче урыннарны яулады.