9 июньдә Казанда Zumba стилендә фестиваль узачак

Горки-Әмәт урманында шәһәрлеләр фитнес-күнегүләрнең төрле төрләрен үзләштерә алачаклар.

(Казан шәһәре KZN.RU, 7-нче июнь). Zumba стилендәге фестиваль Казанда киләсе якшәмбедә, 9-нчы июньдә, Горки-Әмәт урманында узачак. Лицензияле инструкторлар шәһәр халкы һәм Казан кунаклары өчен «зумба» юнәлеше төрләре буенча күнегүләр үткәрәчәк.

Шулай, барлык теләүчеләр дә ачык һавада Zumba Fitness, Zumba Gold (50+ яшь категориясе өчен), Strong by Zumba һәм Zumba Kids дәресләренә килә, призлар уйнатуда, бәйгеләрдә катнаша, фотога төшә, тәмле һәм файдалы бүләкләр ала алачак. Ә балалар өчен аниматорлар белән хәрәкәтчән уеннар оештырылачак.

Чара «Яшел фитнес» социаль спорт проекты тарафыннан оештырыла һәм Гоки-Әмәт урманында 17.00 сәгатьтә башланачак. Барлык теләүчеләр өчен керү ирекле, дип хәбәр итәләр Казанның Парклар һәм скверлар дирекциясендә.

Шулай ук укыгыз

Барлык яңалыклар