Казанда яшәүче 81 яшьлек хатын-кыз зур суммадан баш каккан

Мошенник улы юл-транспорт һәлакәтенә эләгү сылтавы белән пенсионерны 740 мең сумга алдаган.

Фото: Денис Гордийко

(Казан шәһәре KZN.RU, 19-нчы август). Казанда яшәүче 81 яшьлек хатын-кыз мошенникның корбаны була һәм 740 мең сум акчасын югалта. Җинаятьче пенсионерга шалтыраткан һәм аның улы юл-транспорт һәлакәтенә эләккән, дип хәбәр иткән.

Зыян күрүче полиция бүлегенә мөрәҗәгать иткән. Ул төнлә өй телефонына таныш булмаган кеше шалтырата һәм улы үлем белән тәмамланган юл-транспорт һәлакәтендә катнаша, дип хәбәр итә. Шулай ук ул җинаять эше кузгатмыйча мәсьәләне хәл итү өчен акча түләргә кирәк, дип аңлата.

Ханым ышана, күпмедер вакыттан фатир ишегенә бер ир-ат шакый, аңа мөрәҗәгать итүче 740 мең сум күләмендә акча белән төргәк тапшырган. Вакыт узгач, аның улының юл-транспорт һәлакәтенә эләкмәгәне, һәм аның белән бар да тәртиптә булуы ачыклана. Шуннан соң ул полициягә мөрәҗәгать иткән.

Хокук сакчылары оператив-эзләү чаралары үткәреп, акча артыннан килгән кешене ачыклый. Ул 60 яшьлек такси йөртүче булып чыга. Сорау алу барышында ул төнлә Батыршин урамына заказ булуын аңлатты. Билгеләнгән урынга барып җиткәч, ят кеше шалтырата, такси чакыртканлыгын әйтә. Ир әнисеннән акча алырга кирәк, дип хәбәр итә, чөнки аңа йөк машинасы яну сәбәпле, ашыгыч рәвештә акча кирәк булган. Таксист акчаны олы яшьтәге хатын-кыздан алган һәм аларны банкомат аша әйтелгән счетка күчергән.

Әлеге факт буенча «Караклык» маддәсе буенча җинаять эше кузгатылган. Тикшерү дәвам итә, дип хәбәр итә Казан буенча Эчке эшләр министрлыгы матбугат хезмәте.

Дистанцион алдалауның иң киң таралган схемалары һәм мошенникларның хәйләләренә ничек эләкмәскә, сылтама буенча укыгыз.

Шулай ук укыгыз

Барлык яңалыклар