8 апрельдә Казанда К.Васильев исемендәге шәһәр премиясен алуга гаризалар кабул ителә башлана

Гаризалар һәм кирәкле документлар 8-нче апрельдән 8-нче июньгә кадәр электрон форматта premia_k.vasilieva@mail.ru e-mail почтасы аша кабул ителә.

(Казан шәһәре KZN.RU, 14-нче март). 8-нче апрельдә Казанда сынлы сәнгать өлкәсендә К.Васильев исемендәге шәһәр премиясен алуга гаризалар кабул ителә башлый. Конкурс рәсем мәктәпләренең, музыка мәктәпләренең һәм сәнгать мәктәпләренең иң яхшы укытучыларына ярдәм итү максатыннан уздырыла.

Премиягә номинацияләнү өчен конкурс комиссиясенә кирәкле материаллар җибәрергә, шулай ук ачык дәрес, мастер-класс яки Татарстан рәссамнары иҗаты темасына балалар катнашында әңгәмә уздырырга кирәк. Конкурс турындагы нигезләмә белән биредә танышырга мөмкин.

Гаризалар һәм кирәкле документлар 8-нче апрельдән 8-нче июньгә кадәр электрон форматта premia_k.vasilieva@mail.ru e-mail почтасы аша кабул ителә. Шулай ук документларны кәгазь вариантта Профсоюз урамы, 25/15, каб.211 адресы буенча урнашкан Мәдәният идарәсенә дә китерергә мөмкин. Элемтә өчен җаваплы кеше – Әхмәдуллина Регина Ринат кызы, тел.: 8(843)292-97-52.

Комиссия әгъзаларының иң күп тавышын җыйган ике дәгъва кылучы гына К.Васильев исемендәге премия лауреаты була алачак. Традицион рәвештә премия лауреатларын бүләкләү тантанасын Константин Васильевның туган көнендә – 3-нче сентябрьдә үткәрәләр.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар