7 нче һәм 9 нчы майда Казан телеманарасы бәйрәм төсләренә керәчәк

Иллюминацияне Радио көне һәм Бөек Ватан сугышында Җиңүнең 78 еллыгы уңаеннан кабызачаклар.

Фото: Марат Мөгыйнов

(Казан шәһәре KZN.RU, 5 нче май). 7 нче һәм 9 нчы майда Казан телеманарасында Радио көне һәм Бөек Ватан сугышында Җиңүнең 78 еллыгы уңаеннан бәйрәм утлары кабыначак.

Бу көннәрдә ТР башкаласында яшәүчеләр һәм кунаклар иллюминацияне 20:00 сәгатьтән 23:00 сәгатькә кадәр күзәтә алачак, дип хәбәр итә ТР Цифрлар министрлыгының матбугат хезмәте.

Исегезгә төшерәбез, Бәшир Рәмиев исемендәге IT-паркта Радио көне уңаеннан бушлай чаралар сериясе узачак. Кунаклар өчен балалар мастер-класслары, интерактив мәйданчыклар, экскурсияләр, лекторийлар һәм концерт программасы оештырыла.

9 нчы майның бәйрәм программасына чәчәкләр салу, Казан гарнизоны гаскәрләренең узуы, «Җырлый торган Казан» мең кешелек хоры чыгышы һ.б. кертелгән. Бәйрәм 22:00 сәгатьтә төсле салют белән тәмамланачак, аны Казансу акваториясеннән күзәтеп булачак.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар