5 октябрьдә кайбер шәһәр яны поездларының хәрәкәт тәртибе үзгәрәчәк

Кукмара – Каенсар юлында ремонт эшләре уздырылачак.

Фото: Денис Гордийко

(Казан шәһәре KZN.RU, 30-нчы сентябрь). 5-нче октябрьдә Татарстанда шәһәр яны поездларының йөрү тәртибе үзгәрәчәк. Бу Кукмара – Каенсар арасындагы ремонт эшләре белән бәйле.

Бер көнгә түбәндәге поездларның хәрәкәт җәдвәле үзгәрәчәк:

6401-нче номерлы Шәмәрдән – Казан поезды;

6301-нче номерлы Казан – Зөя поезды;

6421-нче номерлы Сосновка – Казан поезды;

6422-нче номерлы Казан – Сосновка поезды;

6423-нче номерлы Кизнер – Казан поезды;

6424-нче номерлы Казан – Сосновка поезды;

6923-нче номерлы Кизнер – Казан поезды;

6924-нче номерлы Казан – Кизнер поезды.

Гамәлдәге җәдвәл белән аерма өчтән кырык минутка кадәр тәшкил итәчәк.

Моннан тыш, 5-нче октябрьдә ике электричканың хәрәкәт маршруты кыскара:

6420-нче номерлы Казан – Нократ Аланы шәһәр яны поезды Шәмәрдәнгә кадәр генә барачак (6:00 сәгатьтә кузгалачак, 8:24 сәгатьтә килеп җитәчәк).

6425-нче номерлы шәһәр яны поездының хәрәкәт схемасыннан Нократ Аланы –Шәмәрдән участогы төшерелеп калдырыла, шуңа күрә поезд Шәмәрдән – Казан (12:42 сәгатьтә китә, 15:20 сәгатьтә килеп җитә) маршруты буенча хәрәкәт итәчәк.

Барлык маршрутлар буенча тулырак мәгълүматны +7(937)625-04-33 (тәүлек буе) телефоны буенча, сайтта, «РЖД пассажирам» мобиль кушымтасында кассаларда һәм тукталыш пунктларында урнаштырылган мәгълүмат стендларында алырга мөмкин, дип хәбәр итә «Содружество» АҖ матбугат хезмәте.

Шулай ук укыгыз

Барлык яңалыклар