4 ноябрьдә Казанның кайбер үзәк урамнарында хәрәкәт чикләнеләчәк

Бу – Казан Изге Ана Иконасы белән тәре йөреше уздыруга бәйле.

(Казан шәһәре KZN.RU, 2-нче октябрь). 4-нче октябрьдә Казан үзәгендә юл хәрәкәте һәм транспорт чаралары туктау урыннары чикләнеләчәк. Бу – Казан Изге Ана Иконасы белән тәре йөреше уздыруга бәйле. Ул Благовещенск соборыннан Крестовоздвижение чиркәвенә кадәр булачак. Әлеге карарны шәһәр Башкарма комитетында имзаладылар.

Шул рәвешле 10.00 сәгатьтән 13.00 сәгатькә кадәр Кремль (Чернышевский урамыннан Беренче Май мәйданына кадәр), Профсоюз (Чернышевский урамыннан Ташаяк урамына кадәр), Беренче Май мәйданыннан төшү юлы (Кремль урамыннан Уң як Болак урамына кадәр), Бауман (Профсоюз урамыннан Батурин урамына кадәр), төшү урыны (Батурин урамыннан Кремль транспорт дамбасына кадәр), Батурин (Кремль транспорт дамбасыннан Дзержинский урамына кадәр), Большая Красная (Япеев урамыннан Батурин урамына кадәр), К.Маркс (Батурин урамыннан Япеев урамына кадәр), Япеев (Дзержинский урамыннан Большая Красная урамына кадәр (кирәк булган очракта), Миславский (К.Маркс урамыннан Дзержинский урамына кадәр) урамнары юллары транспорт чаралары хәрәкәте һәм тукталышлар өчен чикләнеләчәк.

6.00 сәгатьтән 13.00 сәгатькә кадәр Миславский урамындагы юлда (К.Маркс урамыннан Большая Красная урамына кадәр) чикләүләр булачак.

Шулай ук укыгыз

Барлык яңалыклар