4 ноябрьдә Казанның үзәк урамнарында транспорт хәрәкәте вакытлыча чикләнәчәк

Бу көнне башкалада Казан Мәрьям Ана иконасы белән тәре йөреше узачак.

(Казан шәһәре KZN.RU, 26-нчы сентябрь). 4-нче ноябрьдә Татарстан башкаласында Благовещение соборыннан алып Крестовоздвижение чиркәвенә кадәр Казан Мәрьям Ана иконасы белән тәре йөреше узачак. Шуңа бәйле рәвештә, шәһәрнең үзәк урамнарында транспорт чаралары хәрәкәте һәм туктап тору урыннары чикләнәчәк. Әлеге карар шәһәр Башкарма комитетында имзаланды.

10.00 сәгатьтән 13.00 сәгатькә кадәр Кремль урамы буенча (Чернышевский урамыннан алып 1 Май мәйданына кадәр), Профсоюз урамы буенча (Чернышевский урамыннан алып Ташаяк урамына кадәр), 1 Май мәйданыннан төшү юлында (Кремль урамыннан алып Уң Болак урамына кадәр), Бауман урамы буенча (Профсоюз урамыннан алып Батурин урамына кадәр), Батурин урамыннан Кремль дамбасына төшү юлында, Батурин урамы буенча (Кремль дамбасыннан Дзержинский урамына кадәр), Большая Красная урамы буенча (Япеев урамыннан алып Батурин урамына кадәр), К.Маркс урамы (Профсоюз урамыннан алып Батурин урамына кадәр), Япеев урамы (Дзержинский урамыннан Большая Красная урамына (кирәк булган очракта), Миславский урамы буенча (К.Маркс урамыннан Дзержинский урамына кадәр)транспорт чаралары хәрәкәте һәм туктап тору урыннары чикләнәчәк.

6.00 сәгатьтән 13.00 сәгатькә кадәр чикләү Миславский урамындагы юл өлешенә, К.Маркс урамыннан алып Большая Красная урамына кадәрге участокка кагылачак.

Шулай ук укыгыз

Барлык яңалыклар