Бүген төнлә Казан урамнарын кардан чистартуга 392 техника берәмлеге чыгачак

Карны чистартуда 62 юл эшчесе катнашачак.

Фото: Марат Мугинов

(Казан шәһәре KZN.RU, 27 нче гыйнвар). Бүген төнлә Казан урамнарын кардан чистартырга 62 юл эшчесе һәм 392 берәмлек махсус техника, шул исәптән 70 катнаш юл машинасы, 58 трактор щеткасы, 159 үзбушаткыч, 57 фронталь төягеч, 12 «Барсик» минитөягече һәм башка техника чыгачак.

Кар 8 Март, Адамюк, Адоратский, Батурин, Беломорск, Бигичев, Бичурин, Вересаев, Воровский, Гаврилов, Гвардия, Горький, Груздев, Губкин, Декабристлар, Җәлил, Дзержинский, Жуковский, Зәкиев, Исаев, Калинин, Короленко, Кремль, Меридиан, Минск, Мәскәү, Мөхәммәдьяров, Нәҗми, Яңа Дәүләки, Пионер, Политехника, Попов, Родина, Садыйкова, Седов, Султан, Татарстан, Тукай, Ударная, Хәким, Химия, Черемхово, Чернышевский, Четаев, Чистай, Шмидт, Шуртыгин урамнарыннан, Ибраһимов һәм Ямашев проспектларыннан, Горький шоссесы, Осиново тыкрыгы, Миллениум күпереннән һәм башка урам участокларыннан чыгарылачак.

Кайбер урамнарда катнаш юл машиналары һәм трактор щеткаларын кулланып ком-тоз кушылмасы сибү һәм себерү эшләре башкарылачак, дип хәбәр иттеләр Казан Башкарма комитетының Тышкы төзекләндерү комитетында.

Юл хезмәтләре казанлылардан машиналарын юлда калдырмауларын сорый, чөнки алар махсус техника эшенә комачауларга мөмкин.

Шулай ук укыгыз

Барлык яңалыклар