Төнлә Казан урамнарын кардан чистартуга 323 берәмлек махсус техника чыгачак

Юл хезмәтләре казанлылардан юлларның машина йөрү өлеше буенда автомобильләрне калдырмауларын сорыйлар.

Фото: Марат Мугинов

(Казан шәһәре KZN.RU, 28-нче декабрь). 29-нчы декабрьгә каршы төндә Казан урамнарын кардан чистартуда 73 юл эшчесе һәм 323 берәмлек махсус техника, шул исәптән 104 үзбушаткыч, 89 катнаш юл машинасы, 57 трактор щеткасы, 27 фронталь төягеч , 15 грейдер, 10 «Барсик» минитөягече һәм башка төр техника катнашачак.

Карны Адоратский, Астрономия, Бауман, Большая Красная, Вахитов, Восстание, Восход, Гагарин, Гәрәев, Гвардия, Таҗи Гыйззәт, Губкин, Даурия, Декабристлар, Ершов, Зорге, Ипподром, Королев, Космонавтлар, Кремль, Гадел Кутуй, Лобачевский, Патрис Лумумба, Максимов, Мәрҗани, Карл, Маркс, Нариманов, Каюм Насыйри, Париж Коммунасы, Петербург, Пушкин, Тихомирнов, Толстой, Тэц, Университет, Федосеев, Фучик, Чернышевский, Чуйков увмнарыннан, Оренбург һәм Себер трактларыннан, Камалеев һәм Җиңү проспектларыннан һәм башка участоклардан чыгару планлаштырыла.

Кайбер урамнарда катнаш юл машиналарын һәм трактор щеткаларын кулланып, сибү һәм себерү, шулай ук ротор һәм грейдерлар эше башкарылачак, дип хәбәр иттеләр шәһәрнең Тышкы төзекләндерү комитетында.

Юл хезмәтләре казанлылардан үзләренең автомобильләрен юл читендә калдырмауларын сорый, алар махсус техника эшенә комачауларга мөмкин.

Шулай ук укыгыз

Барлык яңалыклар