3 май: Казан Җиңү бәйрәмен билгеләп үтә

Программада: митинглар һәм “Җиңүчеләр аллеясы” ачылу.

(Казан шәһәре KZN.RU, 3-нче май). Бүген Бөек Ватан сугышында Җиңүнең 73 еллыгы уңаеннан Казанда митинглар уза һәм “Җиңүчеләр аллеясы” ачыла.

Иртәдән үк Ферма-2, Вознесенское, Аки, Константиновка, Самосырово, Вишневка, Кече Клыки, Дәрвишләр бистәләрендә, Карбышев урамындагы скверда, Халитов, Р.Зорге, Ю.Фучик урамнарында сугыш кырларында һәлак булган сугышчылар истәлегенә багышланган чаралар узачак. 13.00 сәгатьтә Петров ис.паркта “Зареченцам-кировчанам” стелласы янында чәчәкләр салыначак.

“Тасма” стадионында 11.00 сәгатьтә традицион укучылар парады үтәчәк. Сафка тезелү һәм хәрби җыр бәйгесендә Мәскәү һәм Киров районының мәктәпләрендә укучылар катнаша.

14.00 сәгатьтә Васильченко скверында Киров һәм Мәскәү районнары администрациясе бинасы янында “Җиңүчеләр аллеясы” ачылачак. Махсус стендларда һәркем үз гаиләсенең тарихы һәм Бөек Ватан сугышында катнашкан туганнарының фотосурәтләре белән уртаклаша ала. Биредә Бөтенроссия акциясе кысаларында казанлыларга Георгий тасмалары таратылачак.

Шулай ук укыгыз

Барлык яңалыклар