29 нчы май көнне Савиново паркында бердвотчинг узачак

29 нчы май көнне Савиново паркында бердвотчинг узачак

<p> </p> <div class="detail-picture"> <img src="https://kzn.ru/upload/iblock/b68/MMB_5793-870.jpg"> <p class="detail-picture__caption"> Фото: Марат Мөгыйнов </p> </div> <p> (Казан шәһәре KZN.RU, 25 нче май). 29 нчы май көнне Казанның Савиново паркында (Гаврилов урамы) бердвотчинг – медитатив экоактивлык узачак. Ул шәһәр ыгы-зыгысыннан арынып, кошлар сайравын тыңларга мөмкинлек бирә. </p> <p> Спикер – орнитолог Динә Вәлиева. Ул бердвотчинг, шулай ук Казансу елгасы ярларында очратырга мөмкин булган кош төрләре турында тулырак сөйләячәк. Моннан тыш, орнитолог кошларны сайраулары буенча аерырга өйрәтәчәк. </p> <p> Бердвотчингта катнашу – бушлай. Очрашу вакыты һәм урыны – 9: 00 сәгатьтә, Чуйков һәм Гаврилов урамнары киселешендәге шлагбаум янында. Һава торышы шартларына бәйле рәвештә, чара күчерелергә мөмкин. Тулырак мәгълүматны «Казансуны үстерү стратегиясе» проектының социаль челтәре битендә белергә мөмкин. </p> <p> Савиново паркы – Казансу экосистемасын, шул исәптән Кызыл китапка кертелгән үсемлекләрне һәм кош оялары урыннарын өйрәнү һәм саклау өчен булдырылган территория, дип искә төшерде чараны оештыручылар. </p>

2022-05-25T16:23:00+0300